SUPERBALITA CEBU

Garcia: Purefoods di kabaligyag pork gikan sa Luzon

GIPAHIBAW sa African Swine Fever (ASF) Task force nga di makapaninda ang usa ka kompaniya sa produktong baboy atol sa Sinulog.

Kini human gisubli pagpahinumdom ni Gobernador Gwendolyn Garcia nga magpabilin ang ban order sa Sugbo bisan sa Sinulog festival.

Ang kompaniya mao ang San Miguel Food and Beverage Inc., usa sa mga sponsor sa pista.

May mga baligya usab kini nga mga produkto sa baboy ubos sa Purefoods-Hormel Company, Inc.

Gibutyag ni Garcia nga may nadawat nga taho ang Provincial Veterinary Office (PVO) sa Kapitolyo kabahin sa pag-sponsor sa kompanya pinaagi sa paghatag og cash ug pagpamaligya sa mga produkto niini sama sa Tender Juicy hotdog ug tocino.

Gikatahong gikan kini sa Luzon, lugar nga apektado sa ASF.

“We are also in receipt of a letter from a concerned citizen. Wala mi ani matagai og copy but this is a copy of that letter addressed to the Sinulog Foundation. And it states that the P2,750,000 in cash and sa San Miguel Foods ni. And there will be P250,000 in kind,” matod ni Garcia.

Ang suwat naghisgot nga sa pasiunang negusasyon, exclusive nga ipamaligya ang Purefoods products.

Kini naglakip sa hotdog, tocino, Purefoods nuggets ug Star corned beef.

Gilugwayan sa gobernador kutob Hunyo 30, 2020 ang pag-ban sa mga produktong baboy gikan sa Luzon aron malikayan ang pagsulod sa maong sakit nga makapatay sa mga baboy tungod sa padayon nga pagkatap sa ASF sa Luzon.

Gawas sa suwat sa kompaniya, may laing suwat usab nga nadawat ang gobernador gikan sa pangu sa Philippine Association of Meat Products Incorporated (PAMPI), Felix Tiukinhoy Jr., direkta ngadto ni Elmer “Jojo” Labella, SFI executive director, paghangyo nga hatagan og konsiderasyon sa Dakbayan ug Lalawigan sa Sugbo ang pagpasulod sa nahisgutang mga produkto.

“Now the letter would speak for itself on what is asking for is that ang ban that we have imposed shall be lifted or the products that they intend to provide which will be the Tender Juicy hotdogs and tocino will be given consideration”, matod ni Garcia sa mga tigbalita sa Huwebes, Enero 16, 2020.

Nagpasalamat si Garcia sa suporta nga gipakita sa maong kompaniya alang sa Sinulog apan hugot ang iyang desisyon nga di pasudlon ang nahisgutang produkto dinhi sa Sugbo alang sa kaluwasan sa tanan.

Gilakbitan usab ni Garcia paghatag og usa ka pananglitan sa mga fast food chains dinhi sa Sugbo.

Inay mga produktong baboy gikan sa Luzon ang mga produkto nga gamiton, sa lokal na kini mokuha og supply.

Dugang niya nga sa niining paagi, mas luwas ug may patas nga share sa negusyo ang matag tigpatigayon nga mga Sugbuanon.

“We would just wish to remind those that are extending support that we also have an existing ban against the entry of pork, pork related products and commingled products coming from Luzon and even Region 8. If they really wish to give their support not just in cash but also in kind, and in terms of hotdogs or other finger foods, we have locally produced products which are certified ASF-free because we have continued to be very vigilant against ASF”, matod ni Garcia sa mga tigbalita.

Wa hinuon pasabot nga gidid-an na ang pag pa-ninda sa tanang produktong baboy atol sa Sinulog, apan giklaro niya nga mamahimo gihapon ang pagtinda basta ang gamiton nga produkto gikan sa Sugbo o lokal nga produkto nga sigurado nga wa matapti og kagaw sa ASF.

“So this is not to say that there will practically be no hotdogs gyud. Suma bitaw, katong Pasko, naa man gihapon hams pero locally produced lang. In the same manner, I would also wish to ask PAMPI and San Miguel, kung unsa man ilang needs pwede man na nila ma locally sourced. In fact kaning atong pag ban karon sa pork, coming from Luzon”, matod ni Garcia.

Tungod niini, nakig-alayon na ang Kapitolyo sa pag monitor sa mga lungsod, ilabi na sa mga pantalan ug paluparan.

Gimandoan usab ni Dr. Mary Rose Vincoy, pangu sa Provincial Veterinary Office (PVO) ug ASF task force sa Probinsya sa Sugbo, ang tanan nga mga sakop niini nga mopahigayon og hugot nga monitoring sa kalungsuran, ilabi na sa dakbayan sa Talisay, Mandaue ug Lapu-Lapu.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph