ANAA na man tuod sa ganghaan alang sa ilang ikatulong kampiyonato sa PBA Governor’s Cup sulod sa upat ka tuig ang Barangay Ginebra, apan sa gihapon mapahimangnuon si LA Tenorio nga dili sayon kontrahon ang team nga anaa sa kasagmuyo.
“We have to be careful with that. Mahirap kalabanin ang team na their backs are against the wall,” matod ni Tenorio human sa ilang 94-72 nga kadaugan batok sa Bolts sa Game Four niadtong Miyerkules sa Smart Araneta Coliseum.
“We know Meralco, kaya nilang manalo ng three straight sa amin. But it’s up to us not to make that happen. Nasa sa amin na yun kung gusto naming papanalunin sila ng three straight or we finish it on Friday,” dugang niini nga nakutloan sa Spin.ph.
“We just have to be aware na ang Meralco will really come out strong on Friday. They’re gonna come out really desperate. It might be an advantage for us, for them to come out really desperate kasi may tendency na manggigil.
“Kung ako rin ang nasa kabilang side, ganoon din ang iisipin ko. But we just have to be aware of that and be ready for that.”
Subay niini, makauuwaw ang maong kapildihan.
Kini maoy giluwatan nga pamahayag ni Meralco Bolts coach Norman Black.
Gitumbok ni Black nga bisan sa asa nga departamento wa gyuy gidag-an ang iyang Bolts sa Kings.
“I’m a little bit embarrassed with the way the team played, the effort we gave. And for me it’s an embarrassment to the PBA that we came out and didn’t give them a better fight,” matod ni Black nga nakutloan sa Spin.ph human sa duwa.
“As a basketball coach, I’m a little bit embarrassed by it, to be honest with you,” dugang niya. “You can tell by my voice and my face that I’m not too happy right now.”
Ang ikaduhang sunodsunod nga kapildihan sa Bots sa best-of-seven series nagduot sa Bolts ngadto sa malisod nga sitwasyon, 1-3.
Iyang giangkon nga wa gyud silay nahimo sas ilang depensa ug daw og sa nakapatuyang gyud ang Kings sa gusto nilang buhaton. Gilakbitan usab ni Black ang kapugdol sa ilang opensa diin sa kinatibuk-ang duwa aduna lang silay 37 porsiyento sa field goal.
Gani si Baser Amer, ang best player of the game sa Game 2, igo lang nakapugnit og dos puntos, si Chris Newsome 12 puntos samtang si Raymond Almazar lima ray napasulod sa 14 ka attempts.
Ang Best Import awardee nga si Allen Durham naka-21 puntos ug 27 ka rebounds apan wa kini makakuha og igong suporta gikan sa mga locals.
“We didn’t shoot the ball well,” ingon ni Black.
Aron paghatag og laing kinabuhi, si Black nanghinaot nga ang Bolts makakita og haom nga paagi sa Game 5 karong gabii aron temporaryong kapugngan ang selebrasyon.
“We fought together and come back and fight on Friday or we maybe in for the same,” matod ni Black. “We just have to figure out a way to bounce back from this and come up and play basketball (on Friday).” (JBM)