GIPANAGNA ni Conor McGregor nga iyang ma-knockout si Donald Cerrone sa UFC 246.
Iyang giingon nga duna gyuy dugo nga mobanaw sa iyang pagpakigsangka ni Cerrone sa welterweight division karong Sabado sa T-Mobile Arena sa Las Vegas, Nevada.
Kini maoy unang away ni McGregor sukad sa iyang kapildihan sa mga kamot ni Khabib Nurmagomedov niadtong Oktubre 2018.
Ang Irishmean fighter ug si Cerrone nagbinayloay og mga mahait nga pulong atol sa press conference. Hinuon ang duha nagbaton og respeto sa matag usa.
Apan si McGregor (21-4) mipadayag nga iyang ma-knockout gyud si Cerrone.
“I’ve had my back and forth with Donald throughout the years,” ni McGregor pa.
Kon kahinumdoman, niadtong 2015 ang duha nagkatinubagay sa usa ka press conference.
“The last time we spoke to each other or even saw each other would’ve been at that press conference many years ago. So much has changed since then.
“I was the interim featherweight world champion at the time and Donald predicted I wouldn’t get through [Jose] Aldo. I got through Aldo. He predicted I was too small for the 155-pound division, I conquered that division.
Sa niaging adlaw, si McGregor mipahibawo nga ang sunod niyang makontra naglakip sa iyang pagpakig rematch ni Floyd Mayweather Jr. ug ingon man ang pagpakig-away ni boxing superstar Manny Pacquiao.
“I would be open to other boxing bouts. You know, Manny (Pacquiao). We’re actually close to signing Manny,” matod ni McGregor sa interview ni Ariel Helwani sa ESPN,
Niadtong Agusto 26, 2017, atubangan sa 14,623 ka mga misaksi, si Mayweather mi-TKO ni McGregor sa ikanapulo ka round.
I’d like to rematch Floyd,” hagit ni McGregor. “I think we should rematch Floyd. He’s flirting with [a comeback] and doing all this, he can go and pick someone else, it’s not going to be the same.” (JBM)