MAG-IG-AGAW nga durugista ug ilang barkada ang sikop sa Barangay Tangke dakbayan sa Talisay atol sa gihimo nga tulo ka sunodsunod nga buy bust.
Nasakmit sa mga sakop sa drug enforcement unit sa Talisay City Police Station ang dul-an sa P70 mil nga balor sa ginadili nga drugas, Huwebes sa buntag, Enero 16.
Unang nasikop sa Oplam Limpyo Talisay, giila nga si Joseh Ytang, 19 anyos taga sitio Sawsawan, Brgy San Roque, syudad sa Talisay, apan giingong nga magtuyuan kini sa sitio Salvado, Tangke tungod sa pagpamaligya sa gidili nga drugas.
Nakuha gikan kaniya ang duha ka medium pack ug 13 ka triangular nga mga pinakete sa shabu, nga mokantidad sa P43, 500 mil.
Nasikop usab dayon pipila ka minute lang, an gig-agaw ni Joseh nga si Jeffrey Ytang, 35s, silingan ra usab ni Joseh.
Nakuha gikan kaniya ang dul-an sa 24 mil pesos nga balor sa ilegal nga drugas nga giputos sa 17 ka mga gagmayng pakete ug medium pack.
Alas 9 sa buntag, sunod nga nasikop si Eugene Nuñez, 35, molupyo sa Tangke ang nasikop sa linain nga buy bust, kinsa nasakmitan og 12 ka mga pinakete sa shabu.
Matud ni Police Major Gerard Ace Pelare, hepe sa Talisay, mga newly identified drug personalities kini. (FMD)