SUPERBALITA CEBU

Nadela: Pit Senyor! Isinggit og kusog!

Asoy Ni

ANG kapistahan ni Senyor Santo Niño kaniadto ug karon dako ma kaayo kalainan. Daghang kausaban ang gipatuman. Sama sa fluvial procession agi sa Mactan Channel. Tungod kay dili daghan ang monunot sa barko nga luwanan sa imahen ni Senyor Santo Niño, dili na kinahanglan mokuha pa og permit. Tanang matang sa sakyanan sa dagat nga gustong moapil moderetso ra sa Mactan Channel. Moplastar uban sa mga dagko ug gagmayng sakyanan sa dagat. Mao ning panahona nga ang mga deboto nga gikan sa ka islahan sayon rang makaapil agi og pagtuman sa ilang mga panaad sa Senyor. Samtang maglawig mokalit lang og butho ang helicopter sa Philippine Air Force nga may dalang mga bulak. Ibisibis kini tumong sa barko nga gisakyan sa imahen sa Senyor.

Ang helicopter padayon sa maong gimbuhaton hangtod nga modunggo ang barko sa Pier 1. Karon wala na ni itugot isip kabahin sa siguridad nga gipatuman. Tungod sa pagbaha sa daghang mosalmot sa fluvial procession estrikto nga gipatuman ang paglukat og permit. Maoy hinungdan nga daghan sa mga mosalmot ang magpautaw utaw nalang palayo sa ruta. Kasagaran nila mao kadtong nagsakay og mga gagmayng baroto gikan sa mga isla. Pero taliwala sa mga estriktong patakaran wala kini makapawong sa nagdilaab nga pagbati sa mga deboto matuman lang ang ilang mga panaad sa Milagrosong Bata. Bisan ang mga deboto nga nagpahiluna daplin sa Mactan Channel gilapilapi ang gidaghanon kini tungod ra sab sa pagsugwak sa mga deboto nga ang uban nagikan pa sa mga lagyong dapit sa kalibutan. Diha toy mga higayon nga gihulga sa di maayong lakat sa panahon pero takulahaw lang mihayag ang palibot og nigitib ang bidlisiw sa haring adlaw taliwala sa nagkulismaot nga kalangitan. Wa pay cellphone kaniadto. Wala pay selfie. Wala pay on line. Wala pay facebook. Pero ang mga grasya nga gisabwag ni Senyor Santo Niño, kong sa load pa unlimitted, way virus, way low bat hangtod karon.

•••

Ang clamping gi-relax. Ang exclusive coverage gipasaw-an na sa tanan. Ang pagpawong kaha sa signal mausab? Mao ni akong nabasahan sa social media gikan sa mga netizens. Pero sa gi-asoy nako kaniadto pa, ang hilisgutanan sa siguridad lawom og lisod sabton. Ang akong giingon nga kong siguridad na gani ang hisgutan ato nalang itugyan sa kapulisan ug militar. Sila ang labaw nga nasayod. Busa may signal o wala padayon ang selebrasyon nunot sa pagka mabinantayon kanunay. Kadtong di pa kaayo suheto sa dakbayan siguraduha nga nagkasinabot namong daan sa inyong gipuy-an. Kadtong mag grupo unya magkabulag bulag balik ta sa karaang panahon nga may dapit nga isipon nga abutanan. Kadtong magdala og mga bata, sulati ang ilawom sa senina sa pangalan, address ug contact number aron kon mabulag sayon ang paghatod sa inyong anak nga nawala. Unya kadtong nagplano nga moapil sa street party, usa ra gyuy tambag sa kapulisan. Ayaw palabi sa imong gibati labi na kon makainom basin sa Kaoshiong bus nga gihimong prisohan ka mag Sinulog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph