SUPERBALITA CEBU

Albor: Duyan sa Kristyanismo

Sandiganan

NANGANDAM na ang mga opisyal sa Sugbo alang sa ika-500 nga kasumaran sa Kristyanismo sa Abril 14, 2021. Selebrasyon sa kagawasan gikan nga giulipon sa mga Katsila dul-an sa 400 ka tuig. Consul Anton Perdices ug Ambassador Philip Lluillier mipadangat og sayo nga mensahe ni Vice Mayor Michael Rama sa maong kasaulogan. Giumol ang Santo Niño 500 Committee ug Lapu-lapu Quincentennial Committee. Moanhi ang hari sa Espanya. Gilaoman nga makaanhi si Pope Francis. Nob. 13,2019 gibuksan ang pagpangadam ni Papal Nuncio Gabriele Giordano Caccia.

Gikatakdang balhinon ang higanting rebulto ni Lapu-lapu sa Luneta ipahiluna sa Datu Manggal area sa Punta Engaño kabahin sa pagpangandam. Si Datu Manggal maoy amahan ni Lapulapu. Palambuon sa National Historical Commission ang Mactan Shrine nga naa ang estatuwa ni Lapu-lapu. Plano nga butangan og hulagway sa Battle of Mactan.

Sept. 20, 1519 luwan sa lima ka galleon napakyas ang Portuguese navigator Ferdinand Magellan sa pagpangita sa Spice Islands o Moluccas lawig sa kadagatan sa San Lucar Barrameda aron pagtuman sa mando sa gingharian sa Espanya. Unang nakatuyok sa kalibotan. Midunggo sa Homonhon Guian, Samar hangtod nga nahisay-a sa Limasawa, gamayng isla sa habagatang Leyte. Milahos paglabigar sa Sugbo mainitong giabi-abi nila ni Rajah Humabon ug Rayna Juana nga kaniadto maoy nagmando sa Sugbo. Paglandig maoy gipasikaran ang pagdiskobre sa Philippines pasidungog ni King Philip II of Spain sa Marso 16, 1521. Giugbok ni Magellan ang krus nga ginama sa balayong sa Marso 21, 1521 simbolo nga ang mga Sugboanan migakos sa Kristohanong pagtuo. Unang mihalok sila Humabon ug Juana nga nagpabunyag ug nagpakasal ni Fr. Pedro Valderama, chaplain sa grupo sumala sa journal ni Antonio Pigafetta, clerk sa Magellan expedition.

Magtiayong Lapu-lapu ug Bulakna wala mosanong ni Magellan hinungdan sa Battle of Mactan sa Abril 27, 1521. Gideklarar nga Lapu-lapu Day agig pasidungog sa unang bayani. Nabuntog ang mga sundalong Katsila giihaw ni Lapu-lapu si Magellan. Mipauli sa Espanya ang mga gisankopan nga napukan sa sangka. Si Pigafetta maoy mitugyan sa milagrosong imahen ni Señor Santo Niño ngadto nila ni Humabon ug Juana.

Gingharian sa Espanya mipalawig sa laing expedition ni Roy Lopez de Villalobos sa 1543, Miguel Lopez de Legaspi sa 1564 ug Augustinian priest Andres Urdaneta sa 1565. Ubos ni Fr. Urdaneta mao nay misabwag sa Kristyanismo ug mitukod sa San Agustin Church nga giisa ngadto sa Basilica Minore del Santo Niño. Mao nga ang Sugbo maoy duyan sa Kristyanismo. Magpiyesta matag kataposang domingo sa Enero. Viva Pit Señor!!! (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph