DI IKA-limod nga dunay panahon nga ang atong baba manimaho o magka-bad breath (halitosis) tungod sa gipangkaon nga mga junk foods o spicy foods, nabuot nga laway kay way abre-abre sa baba, nagdugo nga gums, dunot nga ngipon o ba kaha bag-ong ibot nga wisdom teeth.
Ang result kon di ma-alibyuhan, magpalayo ang ka kukabildo, kauban o higala labi na kon kini mangalisbo na. Sa ngadto-ngadto ma-uwawan ug mawad-an og kompiyansa sa kaugalingon.
Kining halitosis resulta sa mga bacteria nga nagpuyo sulod sa baba tungod sa ka kuwang sa paglimpyo. Kasagaran ini nahabilin human sa kaon kon kiki nga mipilit sa tunga-tunga sa ngipon ug lagos. Usahay kon mataligam-an, mopaingon kinin sa pagkadunot, lungag og daot sa ngipon.
Diay mga natural nga solusyon pawala sa baho gawas sa pag-toothbrush ug paggamit og dental floss para makuha ang mga kiki sa gingi-gingi.
Ang pagkaon og pinya (Pineapple) o pag-inum sa duga ini kada human og kaon og halang o baho nga pagkaon makatabang kay daghan kini og importanti nga acid nga makapawala sa kagaw o bacteria sa baba.
Ang mansanas (apple) ug celery na-ila sab nga natural nga toothbrush kay duna kini natural nga enzymes ug polyphenols nga mo kiskis sa mga salin nga pagkaon nga mipilit sa ngipon ug lagos. Ang pag usap sa tam-is nga duga ini makatabang sab pagpadaghan sa laway nga maoy mosilhig sa baho ug kagaw sa baba.
Sunod kining mint. Ang pag-usap og chewing gum nga mint og flavor makapadaghan sa laway nga mo wash out sa bacteria sa lagos ug baba. Duna sab kini presko nga baho nga makatabang pabalik sa kumpiyansa sa kaugalingon.
Ang pag inum sab og daghang tubig, bisag tulo ka litro kada adlaw, maka-limpyo ug makapawala sa baho. Makatangtang sab kini sa mga namilit nga pagkaon. Ang uga nga baba ug ka kuwang sa laway di sab makahimo o maka-padaghan sa anti-bacterial nga enzymes maong angay mo inum og tubig o mang-limogmog kada human og kaon. Mas maayo nga butangan og dahon nga mint para mopahumot sa gininhawa.