SUPERBALITA CEBU

Lima ilegal nga namaligya og tambal, nasikop

LIMA ka mga tawo nga lumad nga taga Jolo, Sulu ang nasikop sa buy-bust operation sa mga sakop sa City Intelligence Branch sa Cebu City Police Office nga namaligyag mga tabletas pangkatulog o pangpakalma ug pain killer nga gidili sa balaud ang pagbaligya kon way resita sa doktor sa may dalan Juana Osmeña, Barangay Kamputhaw, Siyudad sa Sugbo alas 10, Miyerkules sa gabii, Enero 16, 2020.

Ang mga suspek nakuhaan og mga 272 ka tambal nga valium nga adunay brand nga Diazepam, 11 ka morphine sulfate nga mobalor ang tanan og P42,450.

Ang mga nadakpan giila nga silang Al-Sharief Jinulla Sulpicio, 25; Reypie Isarat Jabulla, alyas Rey, 29;. Alhabsal Dayan Bantayan alyas “EJ”, 36;

Aljes Julpi Ambabang, alyas AR; ug Al-Cimar Jinulla Sulpicio, alyas “RR”, 27, pulos kasamtangang nagpuyo sa Osmena boulevard, Barangay Sambag 2, Siyudad sa Sugbo.

Matod ni Police Major Randy Caballes, hepe sa CIB, nga nakadawat silag report labot sa pagpamaligya sa mga suspek sa maong matang sa drugas.

Ang Valium usa ka matang sa drugas nga pangpakalma sa mga adunay deperensya sa pangisip ug pangpakatulog.

Usa kini ka regulated drug nga ang mopalit kinahanglan nga adunay resita sa doktor nga miatiman sa usa pasyente.

Gi-regulate kini sa gobyerno tungod kay mahimo kining abusohan. Kon isagol kini sa ilimnong makahubog, mahimong susama og robot ang linihukan sa makatumar.

Miuso ang pag-abuso ning maong matang sa tambal niadtong dekada 90 sa dihang wa pa maila ang illegal nga drugas nga shabu.

Tungod sa mga kalihukan sa Sinulog, gituohan ni Caballes nga gisuwayan kinig baligya dinhi sa siyudad sa Sugbo.

“Para Sinulog na siya. Kana ganing mga turista gikan nga-inom, nya ganahan sila magpakalma, mopahuway, mao na siyay gamiton nila kadalasan mogamit ani mga foreigner, mga turista,” matod ni Caballes. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph