Bayrunon sa gradwasyon, nakapabalaka sa party-list

ANG KABATAAN Partylist naalarma karon sa 'compulsory collection' sa balayrunon sa graduation ug yearbook sa mga eskwelahan sa tibuok nasud niining naghinapos na ang school year 2009-2010.

Ang maong partylist nangusog nga ang mandatory collection sa maong balayrunon gidili gayud sa Department of Education.

"Edukasyon ang solusyon apan gibalda na sab ang mga estudyante nga dili makagradweyt kung dili mabayaran ang dagkong utang ug uban nga mga balayrunon," ni KABATAAN parylist regional spokesperson Ronnie Clarion.

Si Clarion midugang nga dili malalis nga ang pagpangolekta sa balayrunon sa graduation ug yearbook usa ka pangwarta sa tulunghaan.

Ang DepEd Order No. 13, series of 2010 kun "DepEd graduation rites guidelines, particularly the order forbidding schools from collecting any graduation fees" nagmando ngadto sa mga tulunghaan nga undangon ang obligatory collection sa sa graduation fee.

Ang maong grupo naghagit sa bag-ong napili nga kalihim DepEd Secretary Mona Dumlao- Valisno nga istriktohon ang pagpatuman sa maong memorandum ug silotan ang kadtong nagpadayon sa illegal nga pagpangolekta.

"DepEd should make sure that no student would not be able to march this graduation just because they were not able to pay their graduation and yearbook fees," pahayag ni Clarion.

Ang KABATAAN Party-list nag-awhag sa katawhan nga ipahibalo dayon kung dunay tulunghaan nga molapas sa maong memorandum ngadto sa KABATAAN Hotline 09213966786. (AD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph