Mag-uyoan naninda og ‘shabu’ nadakpan

DAVAO CITY. Mipirmaang usa sa mga nasikop nga pusher sa Sasa Police Station atol sa ilang gihimo nga drug bust Huwebes sa gabii, Enero 16 didto sa Cabantian, Buhangin District, Davao City. (Pinaambit nga hulagway)
DAVAO CITY. Mipirmaang usa sa mga nasikop nga pusher sa Sasa Police Station atol sa ilang gihimo nga drug bust Huwebes sa gabii, Enero 16 didto sa Cabantian, Buhangin District, Davao City. (Pinaambit nga hulagway)

GIPASPASAN sa Sasa Police Station ang paglimpyo sa ilang area of responsibility (AOR) sa mga tawo nga gituohang nalambigit sa gidili nga druga.

Huwebes sa gabii, Enero 16 nahulog sa kamot sa Sasa PNP ang mag-uyoan atol sa drug bust didto sa Cabantian, Buhangin District, Davao City.

Mokantidad sa P800,000 nga shabu ang nakuha sa posisyon nila Jonathan Alaba, alyas Boss ug Augustus Alaba.

Sumala ni Sasa PNP station comander Police Major Reuben Libera nga dugay na nilang gipanid-an ang ilegal nga kalihukan sa mga dinakpan diin niadtong Huwebes sa hapon positibo sila nga mobaligya sa nagtakuban nga pulis.

Moihap sa 39 ka mga pakite sa gituohang shabu ang nakumpiska sa ilang posisyon diin andam na nga ipamaligya sa ilang mga parokyano.

Sumala sa mga dinakpan nga nasugoan lamang sila ug ila nga nahimo kini gumikan sa kapit-os sa panahon.

Nagbahad si Libera ngadto sa mga tawo nga nalambigit sa ilegal nga druga sa iyang AOR nga moundang na lang kay kung dili, masikop gayod sila.

Niining kasamtangan ang duruha gipangbalhog sa selda sa Sasa PNP diin giandam na ang kaso nga ipasaka kanila didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph