6-anyos gipusgay sa Lolo

6-anyos gipusgay sa Lolo

LUPON, Davao Oriental – Balhog na sa prisohan ang usa ka 62-anyos nga lolo dihang nasikop sa kapulisan human iyang gimolestiya ang sais-anyos nga bata duha ka higayon.

Giila sa Lupon Municipal Police Station ang suspek nga si Jessie Mandabon Bisaro, nagpuyo sa Barangay Tagugpo, Lupon.

Subay sa impormasyon gikan sa Police Regional Office (PRO-Davao Region) nasikop ang suspek alas 9:45 sa gabii niadtong Huwebes, Enero 16 sa iyang panimalay.

Ang suspek gibalhog sa Lupon, subprovincial jail sa kasong kalapasan sa Republic Act 7610 diin ang warrant of arrest gipagula ni Presiding Judge Emilio Dayanghirang III, sa Branch 32 sa Regional Trial Court, 11th Judicial Region, sa Lupon, Davao Oriental.

Nakadiket ang kaso sa suspek ubos sa Criminal Case No. 2822-19 sa Sec. 5(b) Article VI of RA 7610 nga dunay girekomenda nga P200 mil nga piyansa.

Hunyo 11, 2019 giingong gimolestiya sa suspek ang sais-anyos ug nasundan pa kini sa laing higayon sa samang bulan didto sa balay sa biktima sa Purok 2, Barangay Tagugpo.

Gikustodiya na ang suspek samtang naghulat ang kapulisan sa sunod nga mando sa korte labot sa iyang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph