KINAHANGLAN mag-usab sa iyang mga plano ang kanhi ONE lightweight world champion nga si Eduard Folayang human miatras ang orihinal niyang kontra nga si Ahmed Mujtaba sa umaabot nilang away.
Matod pa nga naangol si Mujtaba atol sa iyang training.
Ang bag-ong kontra sa garbo sa Team Lakay sa Baguio City mao si Pieter Buist sa Netherlands. Ang away maoy co-main events sa ONE: Fire & Fury nga gikatakda karong Enero 31 sa Mall of Asia Arena sa Pasay City.
Si Buist adunay impresibong professional mixed martial arts record nga 14-4 ug gikan kini sa duha ka sunodsunod nga kadaugan gikan sa iyang pagsalmot sa ONE Championship sa miaging tuig. / ESL