WA KASUGAKOD ang mga boltahe sa Meralco Bolts, human sila gidabo-dabuhan ug gihubog pagtaman sa Barangay Ginebra, 105-93, aron makuha ang kampeyonato sa 2019 PBA Governors Cup.
Wa na hatagig higayon sa Ginebra nga mausab pa sa Bolts ang unang kadaugan nila sa Game 1 mao nga gihuman nila ang best of seven series human midaug og upat ka sunod-sunod ka beses, naposte ang 4-1.
Sa kadaugan, nabakwi sa Ginebra ang titulo gikan sa nakalabay nga season, kini sab ang ikatulong Governors’ Cup title sa upat ka tuig nila kontra Bolts.
Samtang giila nga finals Most Valuable Player si Japeth Aguilar nga mikamada og 25 puntos, walo ka rebound ug upat ka blocks samtang may 24 puntos, pito ka rebound ug 10 assists si Justin Brownlee.
Ang kadaugan sa Ginebra mao ang ika-12 nila sa kasaysayan sa ilang franchise ug ika-22 sa karera ni Ginebra head coach Tim Cone.
Natabla sa Bolts 77-77 ang duwa sa third quarter samtang padayon sa pag-arangkada ang Ginebra.