SUPERBALITA CEBU

108 kilo nga hotdogs nasakmit

BISAN kon nianunsyo na si Gobernador Gwendolyn Garcia nga magpadayon ang ban sa mga produktong baboy ug pork related products lukop Sugbo hangtod Hunyo 30, 2020, duna gihapoy nisuway sa pagpalusot.

Duha ka adlaw sa wa pa ang Sinulog grand parade, moabot sa 108 kilos nga tender juicy hotdogs nga iya sa Purefoods Company Inc. ang nasakmit sa African Swine Fever (ASF) task force sa Probinsya sa Sugbo atol sa padayon nga monitoring sa Enero 16, 2020 sa gabii sa usa ka mall sa Dakbayan sa Mandaue.

Ang maong mga produkto mobalor og P16,200.

Matod ni Dr. Mary Rose Vincoy, pangu sa ASF task force sa probinsya, nga posible nga gipangtagoan ang maong mga produkto aron di malakip sa mga masakmit atol sa inspeksyon.

Nagduda ang task force nga gibantayan sila sa mall sanglit sa unang gipahigayon nga inspeksyon sa sulod, misubay kini sa mando sa gobernador.

Apan matod ni Vincoy nga mipasabot ang nagdumala sa mall nga bag-o lang gibutang sa supplier ang maong mga produkto.

“We do not know if these are old stocks nga ila ni gitagoan or gipaabot nga moabot ang Sinulog or these are new nga nisulod kay ang other establishments negative na man”, matod ni Vincoy.

Apan sa pagsusi, gi-produce kini sa miaging tuig buot pasabot nalakip kini sa mga produkto nga gi-ban.

Hinungdan nga bisan atol sa kalihukan sa Sinulog monitoron gihapon sa task force ang palibot ingon man ang kalungsuran, pantalan ug paluparan.

Alerto usab ang pwersa niini sa Dakbayan sa Talisay, Mandaue ug Lapu-Lapu.

Ang lista sa malls kon asa nasakmit ang mga gidiling produkto sa baboy gi-indorso na sa legal office sa Kapitolyo alang sa legal nga silot nga angay niining atubangon.

Subling gipahinumdom ni Vincoy sa publiko nga isumbong kanila o kapulisan kon dunay makita nga mga produkto sa baboy nga gidili pagpasulod dinhi sa Sugbo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph