Ex-convict naninda’g shabu, priso na sab
NALIT-AG sa Talomo Police Station ang usa ka babaye nga gituohang drug pusher sa Davao City.
Ala 1:30 Dominggo sa kaadlawon, Enero 19, nasikop ang suspek nga si Mary Rosette Villaren Elarde, alyas Macjing, 28-anyos, dalaga, ug residente sa Lot 9, block 8, Pag-asa, Buhangin.
“Based on record, the suspect was a repeat offender since she was already jailed previously for same offense and was released thru plea bargaining on March 2019,” sumala sa station commander Police Lieutenant Colonel Ronald Lao kinsa nagpasabot nga kanhi priso ang suspek sa samang kalapasan.
Mga pakite sa gituohang shabu, selpon, marked money ug drug paraphernalia ang nakumpiska sa posisyon sa suspek atol sa operation didto sa Everlasting Street, Purok Ibula, Barangay, San Antonio, Agdao.
Kasong pagsupak sa RA 9165 kun Comprehensive Dangerous Drugs Act of 2002 ang ipasaka batok sa dinakpan didto sa korte. (Jeepy P. Compio)