DILI na makapanumpa ang usa ka recruit o buot musulod sa pagpamulis kung obese kini o labihang katambok.
Kini ang kamandoan sa kadagkoan sa Philippine National Police (PNP) ug gani estrikto ang ilang buhatan kalabot na sa mga bag-ong recruit ug bisan sa promotion.
Gibutyag ni PLtCol Edison Revita, Regional Training Director sa Regional Training Center (RTC)-Northern Mindanao nga sa sugod pa lang kinahanglan nga physically fit ang kapulisan.
“Sa mga recruit naman umpisa pa lang if they are obese hindi na pweding mag take oath, yung mga nangangarap mag pulis start na nila maging fit, physically fit at tsaka yung ideal weight,” matud ni Revita.
Gikabutyag nga kini lifestyle na sa kapulisan sa pagmintenar sa ilang timbang gikan sa pag-take oath o pagpanumpa hangtod na sa pag-retiro.
“Mula pag-take oath mo, hanggang maka-retire ka dapat ideal weight ka pa rin, it’s for their own benefit naman, so health wise magiging healthy ang pulis if you’re healthy makapagtrabaho ka ng maayos,” dugang ni Revita.
Nasayran nga estrikto karon ang RTC sa panglawas sa mga bag-ong mamahimong pulis gani sa ilang pagkaon wala gitugot ang mga high carbohydrates ug ginadili ang soft drinks.
Karong panahona, anaa sa 659 ang mga bag-ong recruit nga kasamtangang nagbansaybansay sa RTC.