NAPILI nga 2019 Fight of the Year sa Boxing Writers Association of America ang world bantamweight showdown nila ni Nonito “Filipino Flash” Donaire ug Japanese superstar Naoya Inoue niadtong Nobiyembre 7 sa Saitama Super Arena sa Japan.
Grabeng binukbokay ang nasaksihan ning maong engkuwentro diin midaog si Inoue pinaagi sa unanimous decision sa finals sa World Boxing Super Series tournament.
Si Donaire wala moatras sa pagbinayloay og mga makusog nga kumo batok sa mas batan-ong kontra apan nakasinati kini og knockdown sa 11th round nga maoy dakong hinungdan sa iyang kapildihan.
Ang tulo ka judges pulos nipadaog kang Inoue, 117-109, 116-111, ug 114-113. Ning maong kadaugan, naangkon ni Inoue ang Muhammad Ali trophy ug nausa niya ang WBA, IBF ug The Ring Magazine bantamweight titles. (ESL)