HUMAN nasanta ang ilang siyam ka sunodsunod nga kadaugan, ang Los Angeles Lakers ningbangon dayon ug namungot sa hosts Houston Rockets, 124-115, kagahapon sa National Basketball Association (NBA).
Ang Lakers, nga gikan sa kulbahinam nga kapildihan batok sa Orlando Magic, 118-119, ningpagawas sa ilang kapungot sa 2nd half diin ningbangon sila gikan sa 59-65 nga biya sa halftime aron pagposte og 91-82 nga labaw human sa 3rd quarter.
“We hated the loss that we had the other night against Orlando,” matod ni Lakers superstar LeBron James.
“So we had a couple of days to kind of just reshape, refocus and start the second half of the season the right way, and we did that tonight.”
Gipangulohan ni James ang kadaugan pinaagi sa iyang 31 puntos ug 12 assists.
Ang kapildihan maoy ikatulong sunosunod nga naangkon sa Rockets nga mintabla sa ilang season-high.
“We’re just not playing well right now,” matod ni Houston coach Mike D’Antoni.
“We haven’t played well for a couple of weeks. And the only way you can get out of it is play hard, keep your head down and just go forward.”
Ang Lakers, nga padayong ningkombati nga wala ang usa sa ilang mga lider nga si Anthony Davis, nakadawat sab og 23 puntos gikan kang Kyle Kuzma samtang ningtampo og 20 puntos matag usa sila si Danny Green ug Kentavious Caldwell-Pope.
Ang Rockets gipangulohan ni Russell Westbrook pinaagi sa iyang 35 puntos samtang nihatag og 34 puntos si James Harden.
Malaumon si Harden nga makabawi gikan ning sunodsunod nga kapildihan nga ilang naangkon.
“Everybody throughout the course of your career has been through some tough times and the only way you can get through them is continue to work and continue to go hard and mentally lock in and just try to be as solid as possible,” matod ni Harden.
Ang Lakers ningpahugot sa ilang paggunit sa liderato sa Western Conference dala ang 34-8 nga rekord samtang ang Rockets ningsukarap sa 26-15 nga baraha.
Sa pagpadaplin ni Davis, ang Lakers mingsalig na ni Kuzma nga maoy magsilbeng kaabag ni James sa pagpangulo sa ilang puwersa.
Si James nakadayeg og insakto kang Kuzma hilabi na sa pagdepensa niini kang Westbook, kinsa iyang nalimitahan og 13 ka mga puntos lang sa 2nd half human kini nagbangis sa 1st half.
“Kuz just kept his body in front of him and made him take tough shots,” matod ni James kabahin sa depensa ni Kuzma ngadto kang Westbrook.
“He made a couple but Kuz made it tough on him, so that helped changed the game for us.”
Ang Lakers miinat sa ilang labaw ngadto sa 110-94 sa tungatungang bahin sa 4th quarter ug wala na sila molingi pagbalik human niini hangtod na sa katapusang gutlo. (AP, ESL)