GIAWHAG sa Mandaue City Business Permit and Licensing Office (BPLO) ang mga negosyante nga mokuha na og business permit sa katapusang adlaw karon, Enero 20, aron dili makabayad og penalty.
Si Lawyer August Lizer Malate niingon nga wala nay angay ikabalaka ang mga negosyante sa kahasol sa pagkuha sa business permit tungod gipadali na kini nila gikan sa 19 steps, karon 3 steps na lang.
Sa gibanabana nga 17,000 ka mga negosynate sa dakbayan sa Mandaue 2024 pa ang naka-renew sa ilang mga permit, 4,000 kapin sab ang nakapa-assess na sa ilang buluhisan ug ang uban.
Sigon ni Malate nga basin tungod ni sa naandan nga magdasok ang mga aplikante sa Mandaue City Culturala and Sports Complex, apan gipasalig niya nga dili na kini komplikado sama sa una.
Human sa pagpang-issue sa mga business permit, sugdan na sa BPLO ang ilang post-audit o pagpahigayon og kalit- kalit nga inspection kauban ang ubang regulatory offices.
Suma pa ni Malate nga ang paagi nila sa pag-inspeksyon, unahon nila ang naa sa ilang negative list o ang mga negosyante nga wala pa naka-comply sa requirements.
Sigon sa Local Government Code sa nasod, nga patungan og 25 porsyento sa tax ug pun-an og dos porsyento nga penal ty matag buwan nga wala pa naka-renew sa permit ang among negosyo.
Samtang, sigon sa miaging report sa SunStar Cebu, nga ang Cebu City hangtod pa sa Enero 31 ang deadline sa one-stop shop sa SM City Cebu. (KFD)