Palma midasig sa mga opisyal

GIDASIG ni Cebu Archbishop Jose Palma ang lokal nga mga opisyal, mga miyembro sa mga pribado nga sektor ug ang publiko nga magkahiusa alang sa pagsulbad sa mga problema nga giatubang sa siyudad sa Sugbo.

Kini mao ang iyang gipaambit sa pontifical mass sa pilgrim center atubangan sa Basilica Minore del Sto. Niño kagahapon, Enero 19, sa alas 6:00 sa buntag.

“Unta atong siyam ka mga siyudad, ang atong kapin 40 ka mga municipalidad, ang atong government, religious bisan paman ang civil society will be one, nga dunay paghiusa,” matod ni Palma.

Sa iyang wali, iya usab gipaambit ang iyang kalipay ug mapasalamaton siya sa maong panahon ug himaya sa Diyos tungod sa iyang anak nga si Senyor Santo Nino.

Dugang usab niya nga daghang mga tawo ang malipayon ug naghimaya sa Diyos tungod sa grasya sa balaang bata.

“Theres an explosion of faith sa atong gipakitang debusyon kang Señor Santo Niño ug kini sa atong paghiusa, salamat sa Diyos,” saysay ni Palma sa iyang wali.

Sumala niya nga bisan sa naggikan pa sa lain-laing dapit, bisan sa lain-lain nga kolor, bisan sa lain-lain nga mga kasinatian, mausa ang tingog alang sa pagbati ni Señor Santo Nino.

Iya usab giimbitar ang mga manimbahay nga mobalik sa sa sunod tuig alang sa ika-500 nga tuig sa pagsugod sa Kristiyanismo dinhi sa nasod.

Dugang ni Palma nga sa adlaw sa kapistahan ni Señor Santo Nino nga kita nagkahiusa tungod sa gugma sa Ginoo bisan sa mga temptasyon ug may limitasyon, ang tanan usa ra, bisan pa sa mga kalahian. (JCT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph