SUPERBALITA CEBU

4Ps beneficiary top 10 sa LET exam

USA ka Pantawid Pamilyang Pilipino Program (4Ps) beneficiary nikuha sa 10th place sa uwahing Licensure Exam for Teachers (LET) pinaagi sa pagkuha sa puntos nga 89.80% diin giluwatan sa Professional Regulation Commission (PRC) niadtong Disyembre 2019.

Si Roxan Jane Pesalbon Arena, taga sa Brgy. Western Poblacion, San Francisco, Cebu, ni-graduate og degree sa Elementary Education major in Content Education sa Cebu Technological University (CTU) San Francisco campus.

Siya maoy ikaupat sa unom ka mga anak, si Roxan kanhi ubos sa monitored child ubos sa 4Ps program.

Sa pagkakaron, ang iyang duha ka mga manghod naa sa grades 11 ug 4 na ubos usab sa 4Ps monitored children.

Usa ka panday ang iyang amahan ug child development worker (CDW) ang iyang inahan. Siya niangkon nga ang kita sa ilang pamilya di igo kanila.

“Tawagan ra jud siya kung nay project, kung wala, wala pud income,” matod ni Roxan bahin sa iyang amahan.

Siya niingon nga iyang gipili ang kursong edukasyon tungod sa iyang pagmahal sa mga bata.

Sa iyang Facebook post human sa resulta LET exam, si Roxan nagpasalamat sa Ginuo nga gitubag ang iyang mga pag-ampo ug kini iyang ihalad usab sa iyang mga ginikanan.

Iyang gisaysay ang tawo nga nakatabang kaniya sama sa iyang mga igsuon ug sister-in-law diin siya nagpuyo sa panahon sa pasulit.

Iyang gipasalamatan usab ang mga professor ug tibuok CTU family tungod sa pagdasig kaniya ug pagsakripisyo.

“Congratulations everyone who took the LET last September 29 ug sa wala nakapasar, ayaw lang ka wala sa paglaum. Laban lang ng laban. Dasig lang (Congratulations everyone who took the LET last September 29 and for those who did not pass the examination, do not lose hope. Keep the fight),” matod ni Roxan sa iyang post.

Sa pagkakaron, si Roxan nangaplay isip magtutudlo sa Department of Education (DepEd) sa ilang lungsod. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph