SUPERBALITA CEBU

Nadela: Salamat, Senyor Sto. Niño!

ATONG pakpakan si Senyor Santo Niño sa grasya paghatag kanato og kahigayonan nga makaambit pagsaulog sa iyang kapistahan. Bisan sa kaapiki sa panginabuhi daghang deboto ang nigahin og salapi ug panahon makatuman lang sa ilang mga panaad.

Daghan sab hinuon ang wala mahatagi sa kahigayonan nga makatambong sa misa novena, makaapil sa prosesyon, makahalok sa imahen ug makasaksi sa dakong parada gahapon. Kadtong wala makapamista kita kita ta sa sunod tuig nga selebrasyon. Sa mga nakaapil ning tuiga mga panghinaot nga sa sunod tuig puhon magkauban gihapon kita. Sa mga may mapait nga kasinatian asa man ni sila mopadayag sa ilang gibati?

Atong awhagon ang taga Sinulog Foundation paghatag og higayon nga mapaabot sa publiko ang ilang mga obserbasyon. Negatibo man o pagdayeg aron nga sa ingon niana malakip kini sa mga diskusyon nga ilang buhaton

Gitawag ni og post-Sinulog assessment. Dako ni og matabang alang sa sunod nga pagpangandam sa Sinulog 2021.

***

Si Luis Panti, 55 anyos, usa sa liboan nga deboto ni Senyor Santo Niño. Human maminyo sa iyang classmate sa Polytechnique University of the Philippines sa Manila, nabalhin siya og puyo sa Sitio Granada, Barangay Quiot, Cebu City. Lumad siya nga taga Valencia, Virac, Catanduanes. Tungod kay wa niya mahuman ang kursong Komersiyo nalandig siya sa bodega sa usa ka department store sa dalan Colon niadtong dekada 80.

Human sa 11 ka tuig nagpabayad siya ug ang P42 mil nga iyang nadala maoy iyang gipuhonan sa gamayng negosyo sa aseras. Pagpamaligya og tempura maoy iyang gibuhi sa iyang asawa ug tulo ka anak. Sa kalisod sa panginabuhi, nakakita siya og kasandigan. Si Senyor Santo Niño maoy iyang gidangpan.

Matag buntag nga tanan ang pagpanagkot sa Basilica maoy naandan niyang gimbuhaton sa dili pa mangumpra og lutoonon nga tempora sa Carbon Market.

“Ang akong debosyon sa Senyor maoy nagsilbing taming sa daghang kalisdanan nga akong naagian,” matod ni Luis kay wa may dakop niadtong panahona.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph