GIKUMPIRMAR ni Major General Nemesio Gacal, ang commander sa 4th Infantry Division, Philippine Army, nga dili pa 100 porsento nga suportado sa tanang politiko ang programang End of Local Communist Armed Conflict (Elcac).
Gibutyag niini nga sa Caraga Region, gihangyo niya ang mga pulitiko gikan sa mga opisyales sa kabarangay hangtod sa gobernador nga magkooperar aron makab-ot ang dugay na nga gipangandoy nga kalinaw.
Matud ni Gacal nga sa Northern Mindanao, activated na ang Elcac sa mga probinsya apan dunay pipila didto sa area sa Caraga.
Gipasabot niini nga ang Elcac nahisubay sa Executive Order 70 ni Presidente Rodrigo Duterte nga pag-establisar og mga local task force.
Dili lang regional apan hangtod ngadto sa barangay level ang mo activate niini.
"Sa pag-organize ng Elcac, hindi lang to from region but up to barangay level. Right now, I dont have the data...hindi pa 100 percent na organize ang local task force natin. Until such time na maorganize natin, doon natin yong mga barangay ma assure na natin ang 100 percent na sa atin sa ngayon ay sisingilin namin parati," matud ni Gacal.
Dugang niini nga dili nila ma measure ug unsay level sa insurhensya kung mismo ang mga public official ang walay kooperasyon niini, hinungdan mao kini ilang hangyo sa mga opisyales nga mag activate niini ug ipakita ang suporta ug tumanon ang kamandoan ni Presidente Duterte ubos niining EO 70.