Chinese New year saulogon sa Cagayan de Oro

USA sa mga dakong kalihokan sa siyudad sa Cagayan de Oro mao ang kasaulogan sa Chinese New Year, gani gibuksan kini pinaagi sa Symphony of Lights sa Gaston Park.

Gihatagan sa lokal nga kagamhanan sa siyudad pinaagi ni Mayor Oscar Moreno og importansiya ang Chinese community isip na usab pasalamat ug pagpakita og panaghiusa sa dakbayan.

Gibutyag ni Oliver Egypto, acting city administrator ug kasamtangan usab nga ulo sa community affairs, nga sa ginabalik-balik ni Moreno sa mga nanglabay nga pagsaulog sa Chinese New Year nga pinaagi niini, mapakita ang panaghigalaay sa mga Kagay-anon ug sa Chinese Community dinhi sa siyudad.

"Gi-emphasize niya ang friendship sa Filipino Chinese ug sa Chinese community ug of course, gi-acknowledge gyud na ni Mayor Oca Moreno bisan kitang tanan, kabalo man ana sa business side dako gyud og tabang ang chinese community," matud niini.

Gidugang pa nga usa sa pamaagi usab sa pagpasalamat sa mga kaigsoonang Chinese.

"One way of saying nga salamat pud sa ila at the same time one way of telling them nga we are one dinhi sa Cagayan de Oro," dugang pa.

Nasayran nga mapasalamaton usab ang komunidad sa mga kaigsoonang Instsik nga gihatagan sila og importansiya sa lokal nga kagamhanan sa siyudad.

Daghang mga kalihokan alang niini nga kasaulogan sama sa opening program Enero 20 pinaagi sa symphony of lights nga dunay Chinese theme, bazaar diin nag-display og mga Chinese delicacies diha sa City Hall's mini park.

Samtang dunay fireworks display sa Enero 24 sa gabii aron pagtagbo sa Chinese New Year dinhi sa nasud ug pagka Enero 25, sa mismong kasaulogan, ipahigayon ang Filipino-Chinese motorcade, samtang ang Chinese Cosplay Competition gitakdang ipahigayon karong Enero 26.

Usa sa mga kalihokan sa Chinese New Year usab mao ang Spring Festival Dragon Boat Race nga salmotan sa mga anaa sa 350 ka mga langyaw ug lokal nga mga players.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph