DAW nagpadungog-dungog si US boxing champion Floyd Mayweather Jr. kang Conor McGregor.
Kini human midaug sud lamang sa 40 segundos ang Irish UFC fighter kontra kang Donald "Cowboy" Cerrone sa Las Vegas, Dominggo sa buntag.
Sa iyang social media account, nagpost si Mayweather og hulagway nila ni McGregor.
Wa na mihatag og detalye si Mayweather kung unsa ang buot pasabot sa iyang post.
Kahinumduman nga gipildi ni Mayweather si McGregor sa panagharong nila niadtong Agosto 2017.