NAGKINAHANGLAN lang og 40 ka mga segundos si kanhi two-division champion Conor McGregor aron paundangon si Donald "Cowboy" Cerrone sa iyang pagbalik sa octagon sa main event sa UFC 246 kagahapon sa T-Mobile Arena sa Las Vegas, Nevada.
Mao kini ang labing unang away ni McGregor human siya napildi ni Khabib Nurmagomedov 15 na ka mga tuig ang nakalabay.
Gipabarag ni McGregor si Cerrone pinaagi sa iyang head kick unya gisundan kini'g sunodsunod nga mga kumo sa 31 anyos nga Irishman hangtod nga giundang sa referee ang away.
Taodtaod una nakabalik og away si McGregor gumikan kay napahamtangan man kini'g unom ka mga buwan suspensyon ug multa nga $50,000 gumikan sa iyang pagkahilambigit sa karambola human sa ilang away ni Nurmagomedov.
Gawas niini, aduna sab mga kaso nga giatubang si McGregor sa mga kasamok nga iyang nasinati sa iyang personal nga kinabuhi.
Dako ang kalipay ni McGregor nga nakabalik na siya og away.
"I feel really good, but I came out of here unscathed. I'm in shape. We've got work to do to get back to where I was," asoy ni McGregor sa post-fight interview.