ALANG sa mas dasig pang pag-angkon isip City of Festivals, ang lokal nga gobyerno sa Tagum bag-uhay lang milig-on sa Code of Festivals sa siyudad, nga suma pa mas nagtumong nga mapabilin sa siyudad ang "Best Tourism-oriented LGU in the Philippines."
Gipaluyuhan ni konsehal Alderson Rellon ang enactment sa City Ordinance 911, series of 2019 nag-institutionalize sa 16 ka festivals nga tinuig nga ginasaulog sa City of Palms.
Si Mayor Allan L. Rellon mipirma sa Code of Festivals nga gisaksihan sa LGU employees ug uban pa.
Ang serye sa festivals gisugdan na, diin mga Tagumenyos misugat sa tuig subay sa selebrasyon sa Taxpayers' Festival.
Ubang kalingawan nga unang beses nga saulugon karon nga tuig mao ang Love Festival nga dungan sa Civil Registration Month sa Pebrero ug Handurawan Festival nga nagrekognisa sa senior citizens sa siyudad.
Anaa sab ang Tagumpay and Musikahan Festivals.
Moariba sab ang Hugpong Serbisyo Para sa Tagumpay sa Abril, Youth Festival sa Mayo, ug Pakaradyan Festival sa Hunyo.
Samtang sa ikatulong kwarter sa tuig, anaa ang Pride Festival sa Hulyo,
Ugmad Festival sa Agosto ug Lingkod Bayani Festivals sa Septyembre.
Samtang sa uwahing kwarter, anaa ang Kaimunan and Scouting Festivals sa Oktubre, Children's Festival sa Nobyembre ug Pasasalamat and Tagumenyo Bisa'g Asa Festivals sa Disyembre.
Pinaagi sa pag-institutionalize sa aktibidad si Mayor Rellon uban ang mga sakop sa 8th city council malaumon nga mas mohatak pa kini og dugang bisita alang sa dakbayan. (PR)