SUPERBALITA DAVAO

Iro na-trauma, gikiyod

DAVAO. Gikuha sa usa ka estudyante sulod sa UCCP Haran, Davao City ang iyang binuhing itoy human miduol kini sa ilang maestro tunga-tunga sa ilang klase kagahapon sa buntag ug gidala sa ilang bangko aron itapad. (Macky Lim)

NA-TRAUMA intawon ang iro nga gipanganlan og "Igit" human kini gipanamas-tamasan sa usa ka lalaki nga boarder ra sab sa dapit asa nagpuyo ang nanag-iya kaniya sa Barangay 13, siyudad sa Davao.

Nag-trending ang Facebook post sa nanag-iya sa maong iro nga si Renren Depdeprara Gilgildodorere, nga nagsaysay sa gidangatan sa ilang iro. Uban sa iyang Facebook post ang hulagway ni "Igit."

"In the wee hours of this day, January 19, 2020, Igit experienced what we thought was unexpected of his fate. Kay friendly sya na iro, niuban sya sa boarder na lalaki sa among silingan pagawas sa kanto and gikarga sya padulong sa isa ka abandoned na building," tipik sa post ni Renren.

Ni Renren miingon nga tungod wa pa mobalik ang ilang iro, giapas ug gipangita kini sa iyang manghud.

Apan dakong kakurat sa igsuon ni Renren dihang nakita ang boarder nga nakahubo ug maayo kaayong nakakiyod sa iro nga si Igit nga usa ka lalaki.

Sa kahadlok, dali nga nanawag ang igsuon ni Renren og pulis ug gipa-blotter ang hitabo.

Sa phone interview sa Superbalita Davao tali ni Mary Grace Dalilan, inahan ni Renren, gisulti niining hangtud karon, mahadlok moduol og tawo ang ilang binuhi.

"Friendly man gyud ni siya nga iro, karon nausab gyud siya. Mahadlok siya moduol sa amoa. Na-trauma gyud tawon siya," matud ni Dalilan.

Dugang ni Dalilan nga human sa hitabo, dali sab kaayong mihawa sa lugar ang maong boarder.

Niya, wala say nakaila sa maong lalaki nga gihulagway nilang anaa sa 20 kapin ang edad ug tama-tama ra ang lawas.

"Daghan man god og boarders diri kay duol sa mall daghan og trabahante. Ang ingon adtong uban nga mibalhin na sab daw og boarding house didto sa Bankerohan," matud niya.

Subay sa Facebook post ni Renren, may nag-comment sab didto nga nagkanayong ang maong boarder mao say gidudahan nga nagapamaklad sa ubang boarders sa lugar.

Ang atraksiyon sa usa ka hayop gitawag nga "Zoophilia."

Sa britannica.com, kini gihubad nga: "sexual attraction of a human toward a nonhuman animal, which may involve the experience of sexual fantasies about the animal or the pursuit of real sexual contact with it (i.e., bestiality)."

Nabalaka si Renren nga bisan og di tawo ang na-rape, apan gika-alarma nila kini tungod posible sab kining buhaton sa suspek ngadto sa tawo.

Ang maong post niya mihakot na sab og daghang komento ug share, diin tanan gahangyo nga kung puwede makita ang nawong sa suspek aron sab maalarma ang uban sa iyang binuhatan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph