WALA pa mailhi sa Mabolo Police Stationang biktima nga gipusil-patay pasado alas 10:00 sa gabii niadtong Dominggo sa Ayala Acess Road sa Barangay Mabolo, siyudad sa Sugbo, adlaw sa kapiyestahan ni Senyor Santo Niño.
Ang PEMS.Antonio Din, investigator sa kasod, nahinabi sa Superbalita Cebu miingon nga sa kasamtangan alyas 'Loloy' pa ang ilang nakuha pa nga pangalan sa maong biktima.
Dugang ni Din, ang mga tao usab sa palibot sa nahitaboan pulqsos tak-om ang mga baba bisan pa nga dunay nakakita sa insidente.
Sa nakuha nga kasayuran sa imbestigador nga ang biktima nag abang lang, matud pa, og balay sa Sityo Riles sa Barangay Hipodromo atbang lang kond iin asa siya gipusil.
Ang tindera sa usa ka tindahan nga anaa ra duol sa dapit kon asa gipusil ang biktima giingong ang nadunggan niini nga mga buto ang sa fireworks display sa Abellana Sports Center kon din maoy pagtapos sa kasaulogan sa Sinulog Festival 2020.
Nakadungog og usa ka buto ang maong tindera apan wala lang hatagi og pagtagad iyang ka-busy.
Diha lang matud pa kini nakabalo nga dunay gipusil human nga nagkagubot na ang gawas sa ilang tindahan ug maoy mitabang sa pagtawag ug ambulansiya.
Ang biktima igo sa ulo nga miresulta sa hinanaling kamatayon.Giingong duha ka mga suspek ang mipusil kang loloy ug usa ang gun man nga nalakaw paingon sa biktima samtang dayon sibat sakay sa usa ka motorsiklo nga ang drayber nagpaabot sa gawas.
Ang anggulo nga personal grudge mao lang sa una ang ilang gitan-aw karon sanglit nga wala pay makasulti sa pagkatao sa biktima. (BBT)