SUPERBALITA CEBU

Pork ban sa Luzon lugwayan

BISAN gipalugwayan na ni Gobernador Gwendolyn Garcia hangtod sa Hunyo 30, 2020 ang ban sa pagpasulod og mga produktong baboy gikan sa Luzon dinhi sa Sugbo apan, gilaraw ni Garcia ang pag-extend sa maong order.

Matod ni Garcia nga dili kini mouhunong sa pagpatuman sa maong mando kung magpadayon ang pagkatap sa maong kagaw sa African Swine Fever (ASF) sa mga probinsya sa Luzon.

Sa miagi gilugwayan sa gobernador kutob Hunyo 30, 2020 ang pag-ban sa mga produktong baboy gikan sa Luzon aron malikayan ang pagsulod sa maong sakit nga makapatay sa mga baboy tungod sa padayon nga pagkatap sa ASF sa Luzon.

“Unta to kutob ra December ang ban but the way I am seeing it kay ni spread naman ingon ko sige kon ma contain pero in the meantime ato i-move to 30th of June, I said to them reassess your position because there’s a possibility I may even extend the ban beyond June 30,” matod sa Gobernador.

Human sa giingong exclusivity sa San Miguel Foods Incorporated nga mi sponsor og gitugutan nga mobaligya og mga produkto atol sa pista sa Sinulog matod ni Garcia nga mipasabot ang mga representante sa maong kompanya nga inay produktog baboy ang ibaligya manok ang gibaligya ini atol sa pista.

Saysay ni Garcia nga kinahanglan nga klaruhon usab sa mga kompanya ang mga produkto nga ipasulod dinhi sa Sugbo aron dili makahatag og kalibog sa publiko og sa mga lokal nga kagamhanan nga nagtuman sa mando.

“Akong giingnan ang San Miguel nga its time for you to reassess your position, as well as other Manila companies that come here to sell their finish products. Kanang Jollibee, Chowking, kusog kaayo mo mangaon ana kusog kaayo mo mamalit ana pero diay to ang baboy nga gigamit ana gikan sa Luzon, is that improving the economy of Cebu? No,” matod ni Garcia.

Ang ban sa tanang produktong baboy gikan sa Luzon gisugdan pagpatuman ni Garcia niadtong Septiyembre human sa sunodsunod nga kompirmasyon sa maong sakit sa kaulohan.

Sa pagkakaron, wala pa hinuoy gibutyag nga buwan si Garcia kon kanus-a niya ipatuman ang bag-ong order bahin sa karneng baboy gikan sa ubang dapit. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph