Pacquiao maoy no. 1 sa listahan ni McGregor

HUMAN sa iyang makapaukyab nga kadaugan sa iyang pagbalik og away sa UFC ning bag-uhay lang, si mixed martial arts superstar Conor McGregor nakaabli og daghang mga pultahan alang sa mas dagkong mga away nga naglakip sa posibleng boxing rematch batok sa retiradong si Floyd Mayweather Jr.

Apan kon ang 30 anyos nga Irishman ang pangutan-on, ang tinguha niyang harungon sa sunod niyang tahas mao si Filipino boxing icon Manny Pacquiao nga nalantawang mokita og dako.

Ang panagharong nila ni McGregor ug Mayweather niadtong 2017 diin midaog si Mayweather pinaagi sa 10th round TKO mikita og 4.3 million pay-per-view buys, ikaduha lang sa Mayweather-Pacquiao nga nitali og 4.6 million.

Kon madayon, tinguha ni McGregor nga ipahigayon ang ilang away ni Pacquiao sa bag-ong 72,000-seat Allegiant Stadium nga maoy umaabot nga home base sa Las Vegas Raiders.

“What a fight that would be against Manny, a small, powerful southpaw. I’d have to figure out the weight and these types of things, but something that interests me, no doubt,” asoy ni McGregor.

Ang presidente sa Manny Pacquiao Promotions nga si Seab Gibbons nipakita og pag-uyon sa maong ideya pinaagi sa pag-post og poster nila ni Pacquiao ug McGregor sa social media.

“I did do well [against Mayweather],” batbat ni McGregor. “I won rounds and hit him more times than anyone. I hit him more times than Manny hit him. And with small adjustments in the prep and with an understanding of that style he’s coming at me with, now I think I’d beat him.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph