SUPERBALITA CEBU

Human sa kahasol, Eloy mobalik sa PBA D-League

HUMAN sa kahasol nga iyang nasinati dinhi sa Sugbo, nagkanayon ang kanhi magduduwa sa Philippine Basketball Association (PBA) nga si Eloy Poligrates nga nagpanikad na siyang mobalik sa Manila aron magtutok sa iyang basketball career.

Si Poligrates, kinsa maoy kasamtangang Most Valuable Player sa PBA D-League, gidakop sa kapulisan niadtong Enero 13, 2020 sa pasangil nga gidagmalan niya ang iyang kanhi uyab sa parking lot sa usa ka convenience store sa Barangay Sta. Cruz, dakbayan sa Sugbo.

Hinuon ang Cebu City Prosecutor’s Office mihatag og kamanduan nga buhian si Poligrates gumikan kay wala’y saktong mga ebidensya nga magpamatuod sa pasangil sa iyang kanhi uyab.

Nagkanayon si Poligrates ang pasangil sa iyang kanhi uyab nakaapekto sa iyang reputasyon ug iya kining gikauwaw og maayo.

Matod sa produkto sa Southwestern University (SWU) Cobras nga gusto niyang ipahibalo nga usa siya ka biktima ning maong hitabo ug nanghinaot siya nga dili dayon siya hukman sa mata sa mga tawo.

Matod ni Poligrates nga iya nang kining ilubong sa kalimot aron makatutok siya sa PBA D-League nga manugsugod na sa ilang bag-ong season.

Sa PBA D-League, si Poligrates moduwa og balik sa Marinerong Pilipino Skippers.

Nabantog si Poligrates sa PBA D-League dihang nakapupo kini og 67 puntos sa usa lang ka duwa ubos sa kampo sa Marinerong Pilipino nga maoy rekord sa liga.

Gawas sa PBA, si Poligrates kanhi sab nagduwa sa Maharlika Pilipinas Basketball League (MPBL) ubos sa kampo sa Cebu-Casino Ethyl Alcohol. (JNP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph