SUPERBALITA CEBU

Mga tindahan naugdaw

Tampo nga hulagway

GILAMOY sa kayo ang pito ka mga tindahan nga nahimutang sa satellite market sa Barangay Guizo, Mandaue City duol sa Maguikay flyover kagahapon, Enero 21 sa kadlawon.

Samtang si Sabiniano Bañagaso, 55 ang na-angol sa dihang nabuwasot sa atop nga nagkapuliki sa pagtabang og pawong sa nagdilaab nga kayo.

Tug-an ni FInsp. Kyle Lauzon, Deputy Fire Marshal sa Mandaue City Fire Station nga ilang nadawat ang alarma gikan sa security guard sa tapad nga fastfood restaurant sa dihang makita nga nagkayo na ang mga tindahan sa maong merkado.

Miresponde ang kabomberohan sa 4:36 a.m. ug gi-isa ngadto sa second alarm ug sa 5:27 a.m. na-fire out na ang kayo.

Mga tindahan sa bugasan, carenderia ug sapatosan ang mga naugdaw.

“Made up of light materials ra gyud na siya so paspas nga nikalat pero wala nikalat sa pikas, kay naa may firewall ngadto,” sigon ni Lauzon.

Nasuta nga nagsugod ang sunog sa kwarto ibabaw sa tindahan ni Socorro Apare kinsa nakamata gumikan sa ka-init sa palibot ug nakugang sa dihang nagkayo na ang ilang balay.

“Wala nami naghunahuna og kuha sa among gamit kaya ng amo nga matabang pa namo og palong ang kayo,” sigon pa ni Roger Wagas, 18 nanag-iya sab og tindahan nga nalakip sa sunog.

Padayon pa nga gitino sa kabomberohan ang hinungdan sa pag-ulbo sa maong sunog ug gibana-bana nga moabot sa P80,000 ang danyos sa maong hitabo. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph