DILI pa daghan ang nagpa-rehistro sa unang adlaw sa pagpangdawat sa Commission on Elections (Comelec) dinhi sa siyudad sa Cagayan de Oro.
Anaa pa lang sa 155 ang total nga indibidwal nga nagpa-rehistro sa niadtong Enero 20.
Sa pakighinabi kang City Comelec Officer Ramil Acol, gibutyag niini nga gamay pa lang ang nagpa-rehistro.
"Gamay pa 155 ra total yesterday," matud ni Acol.
Sa mga buot nga magparehistro, kinahanglan nga magdala lang og mga rekisitos sama sa usa ka balidong identipikasiyon sama sa student ID o library card, employee's ID, postal ID, senior citizen's ID, driver's license, BIR ID, NBI clearance) ug kinahanglan nga dunay photocopy sa maong ID.
Ang pagparehistro hangtod lamang karong Septiyembre 30, 2020.