NABUNTURAN, Davao de Oro -- Ang Davao Region Athletic Association (Davraa) Meet 2020, nga gisibog sa Marso 22 ngadto 28, ang subli na sab nga gisibog sa laing petsa, apan wa pa masayri kanus-a.
Kini gisulti sa usa ka opisyal sa probinsiya, atol sa press conference una gipadungog ni Governor Jayvee Tyron Uy ang iyang State of the Province Address sa Nabunturan.
Si Vice Governor Maricar Zamora, nga maoy Davraa action officer, nagsulti nga nakigmiting sila sa Department of Education (DepEd)-Davao officials ug
nauyunan ang petsang Marso 22 ngadto 28 nga iskedyual sa Montevista.
Apan ning bag-o lang, ang probinsiya nakadawat og tawag gikan Department of Health (DOH), usa sa stakeholders sa Davraa, nga irekonsidera ang pag-usab na sab sa petsa tungod makabikil kini sa pagpahigayon sa DOH sa ilang kampanya sa halapad nga polio immunization campaign.
Niya, tungod ang Davraa, di lamang aktibidad sa probinsiya, makig-koordinar sila sa ubang stakeholders ug sabutan ang petsa diin available na ang tanan.
"Rest assured that the meet will be held this month of March," paniguro ni Zamora.
Sa text interview tali SunStar Davao, si DOH Regional Director Annabelle Yumang nagkanayon nga ang provincial health office sa Davao de Oro maoy direktang may kalabutan sa mga panghitabo sa Davraa.
Ang Davraa 2020 meet, qualifier sa Palarong Pambansa 2020, katulo ka beses nang nausab ang iskedyul.
Una kining gi-iskedyul sa uwahing semana sa Pebrero, dayon sa Marso 15 ngadto 21 ug Marso 22 ngadto 28.