AKO si Myrna. Ang akong suliran mao kini, nga naa koy anak nga lalaki nga nag skwela sa usa ka public school. Grade 2 na siya karon.
Sa unang mga adlaw sa klase, hilomon akong anak hangtud nga nakahibalo na siya makig istorya og duwa sa iyang classmates.
Dako kayo akong kalipay sa kausaban nga akong nakita sa akong anak. Usa ka adlaw, nisumbong akong anak kay gidagmalan daw siya sa iyang maestra. Gibunalan kuno siya og stick og gipilpil pa gyud iyang baba.
Nahibulong ko nganong nabuhat kini sa maestra ngadto sa akong anak. Bisan sakit sa akong dughan ang nadangpanan sa akong anak, gipalabay lamang ko ni.
Apan sa ikaduhang higayon, gibuhat nasad sa maestro ang pagdagmal sa akong anak.
Akong gipataas ang akong pasensya og gipasaylo nasad og usab ang maong maestro.
Apan karon, sa ikatulong higayon, gidagmalan nasad sa maong maestra ang akong anak. Dili na nako makaya ang maong gibuhat sa maestro ngadto sa akong anak.
Mao nga nagpahungaw ko karon sa akong gibati og gusto mangayo og tambag kanimo, Atty. Joan. Nakadungog pa gyud ko og istorya nga dugay nani gibuhat sa maong maestra ang pagdagmal sa iyang mga estudyante. Pero tungod mahadlok ang mga ginikanan aning maestraha, wala gayud sila nakahimo og pagreklamo aning maestraha.
Isip ginikanan sa akong anak. Sa mubo nga storya, dili ko pwede muduol sa akong anak.
Palihug tambagi ko Atty. Joan, kay sakit gyud kayo ang akong kahimtang. Unsa man ang angay namong buhaton haron mahunong nani ang gibuhat sa maong maestro.
Imong magtatampo,
Myrna
Dear Myrna
Una sa tanan maayong adlaw usab nimo diha Myrna ug salamat sa imong kanunay nga pagsunod niining lindog.
Basi sa balaod, angayan gayud hatagan og aksyon ang maong gibuhat sa maestra dili lamang sa imong anak kundi ngadto usab sa uban nga mga bata nga niagi og pag antos aning maestro.
Daghan ka og pwede buhaton. Pwede ka muduol sa Department of Education para mapasaka nimo ang imong reklamo. Pwede ka mu file og administrative complaint sa maong maestra haron makahimo og sakto nga mga lakang ang mgaong ahensya sa gobyerno.
Pwede usab ka mupasaka og reklamo sa Office of the Ombudsman.Pwede sad ka mupasaka og kaso nga criminal sa pag abuso nga pisikal nga gibuhat sa maong maestra.
Daghang salamat Myrnasa imong sulat tampo ug hinaot nakahupay ang maong tambag sa naghoot mo karon nga galamhan.
Imong Alagad,
Atty. Joan