DEAR Papa Joe,
Call me Nafeteri instead. I’m 20 years old and I already have a son. He is 2 months old.
My problem goes like this. Nag-ipon nami sa akong uyab pero nakipuyo ra mi sa balay sa iyang mama, Papa Joe. Unya karuo kay lain man diay ni iyang mama, buyboyan man kaayo. Unya kusog manginsulto to the point makahilak jud ko. Pabayran niya ang bugas nga among gikaon, obligasyon na daw namo ang pangsud-an, gasul sa stove hasta bill sa kuryente, Papa Joe.
Well, okay ra man unta nako pero ang kani man pud akung pares gud, kon walay trabaho, magsige lang og laag, mag smoke siya gikan mo-kiss siya diretso sa among baby. Unya masuko ko, nya akong ilikay ang bata. Usahay gani idagan pa nako kay iya man gukoron unya ingnun man hinuon ko niya nga hangol hangolun kuno ko og bata. Gusto daw ko masuko ang among baby.
Unya salin salin ra sa iyang salary maakoa like 100. Then, ipa-budget niya nako for one week unya. Three thousand tawon iyang weekly, Papa Joe. Unsaon gud pag budget nang P100 for 6 days. Kuhaan pa na sa diapers. Unya karun kay ingnun naman hinuon ko sa iyang mama nga tihik kuno ko kay di mopalit og sud-an. Pinakasakit iyang ipanabi sa ilang silingan.
I really don’t know what else to do kay human na nako gi-confront silang duha sa akong pares, but still nothing has changed. Until now ,mahadlok pud ko mosulti sa akoang mama kay maldita man gud to. Mahadlok ko magkagubot sila, Papa Joe. Help! What should I do? Thank you. More power
Nafeteri
Day,
Plain and simple ra gyud akong masulti nimo, mao na, uli sa inyo. Atubanga na ang kasaba ni Mama nimo. Total inahan siya. Makasabot siya pero ayaw lang sad sirad-i ang pultahan sa imong pares kon ugaling mausab siya ug magtarong. Para ra sad na sa inyong anak. Lesson learned. Ayaw padalos dalos og desisyon.
Papa Joe
(sa inyong tampo ipadala lang sa papajoesuperb@gmail.com)