SUPERBALITA CEBU

Lonzon: Dili pa dakpon ang habalhabal

Mata sa Agila

SA TINUOD lang dako og natabang ang operation sa habalhabal ngadto sa mga pasahero ug sa mga drayber.

Ang mga pasahero dali moabot sa ilang destinasyon kay makalusot-lusot ra man bisan sa kagrabi sa trapik.

Daghan ang nabuhi, nakapakaon sa ilang pamilya ug na pakaeskuwela sa ilang mga anak tungod sa pagpamasahero.

Bisan pa sa kadaghan sa reklamo nga grabe mamunal morag tulis sa atubangan tungod sa kamahal sa ilang plite.

Kini rabang pagmintinar og motor di mahal ikompara sa mga mga taxi ug jeep depasaheroan.

Ayaw mog palabi, mga drayber sa habalhabal. Dagko kaayo mo og ganansya. Kahibawo sab kamo mohunahuna sa mga pasahero nga hayahay pa inyong kahimtang kay dagko mog kita.

Ipatuman naman gud unta sa sunod semana ang pagpanakop sa operasyon sa habalhabal. Apan giluwas sila ni Senador Bong Go pinaagi sa paghangyo sa mga ahensya sa gobyerno sa paglugway sa ilang operasyon.

Samtang amendahan pa ang balaod sa kongreso ug senado nga maghimong legal ang ilegal nga operasyon sa habalhabal.

Ang katarungan ni Go kay daghan ang mawad-an o trabaho ug makulban og kaldero kon ipatoman na ang pagpanakop. Maayo ang katuyoan ni Go. Maayo sab tingali nga plansahon ang saktong plitihan.

Kay klaro nang pagpahimulos ang gihimo sa ubang drayber nga dunay kapunungan.

Sama anang popular na nga Angkas. Sus, pasaylo-a sila, bisag napulo kadupa ang gilay-on pangayo-an kag P50.

Naay gagmayng kapunungan sa mga habalhabal natakdan og pamunal sa mga pasahero. Pagka way mga batasan!

Ato ning paabuton ang motor taxi (motax) sa Sugbo nga giorganisar ni kanhi Anad partylist congressman Jun Alcover nga labing barato og plete.

Maayo ang gihimo ni Go apan nipasamot ang akong pagtuo nga pangandam kini sa pagka Presidente karong 2022 election. efren_lonzon71@gmail.com Text:09235562777


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph