SUPERBALITA CEBU

Dos anyos napaig sa sunog

DOS anyos nga batang lalake napaig samtang natulog sa duyan human nasunog ang ilang balay alas 10:25 sa buntag sa Upper Zegra, Brgy. Buanoy, lungsod sa Balamban.

Paig nang nakaplagan si Alvin Cabaton, human naugdaw ang ilang balay samtang siya nahinanok sa pagkatulog.

Si Police Staff Sgt.Excelsior Aguanta, sa Balamban Police Station nga nahinabi sa Superbalita Cebu nagkanayon nga ang bata gibantayan sa iyang maguwang nga si Angel, 4.

Matod ni Aguanta nga ang inahan nga si Nancy nibilin sa bata ngadto sa maguwang kay maninda sa eskwelahan sa high school sa barangay.

“Nagduwaduwa man daw ni ang maguwang sa posporo unya misilaob ngadto sa mga sinina. Wa na mapawong, naapil sa pagkapaig ang 2 anyos nga biktima nga natulog sa duyan,”dugang ni Aguanta.

Si Angel napaso sab atol sa sunog, apan natabang sa mga silingan.

Dugang ni Aguanta nga ang inahan sa mga bata nangyawat nga makatigom sa mga baligya alang ilang kunsumo kay bag-uhay lang usab namatay ang iyang bana.

Sumala pa ni Aguanta nga paspas kaayo ang sunog, milanat lang og singko minutos, naugdaw ang light materials nga balay uban sa 2 anyos nga bata.

Gisunog?

Giingong drug addict nga nagduyan-duyan lang giakusahang nisunog sa balay sa iyang silingan niadtong Sabado, Enero 18, sa alas 10 sa gabii.

Ang suspek giilang si Cresente Barasan, 34, minyo, kanhi construction worker, kinsa nadakpan sa kapulisan sa iyang balay niadtong Lunes sa alas 8:30 sa gabii sa Brgy. Kansi, lungsod sa Tuburan. (GPL, AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph