SUPERBALITA CEBU

‘Sextortionist’ nasikop; condom wa magamit

TINUN-AN sa usa ka unibersidad sa siyudad sa Sugbo sa kursong Criminology gidakop sa Regional Anti Cyber-Crime Unit (RACU 7) pinaagi sa entrapment operation human nibahad sa iyang silingan nga i-post ang hubo nga hulagway sa social media kon di makighilawas kaniya.

Ang suspek nga si Dexter Antonio, taga barangay Guadalupe, Siyudad sa Sugbo nga nakuhaan og mga ebedensya sama sa iyang pag chat sa biktima nga 19 anyos, nihimakak sa pasangil batok kaniya.

Ang biktima gitago lang sa ngalan nga Analyn, kanhi hinigugma sa igsuon sa suspek, nga nagpatuo, matod pa, sa Facebook nga usa ka langyaw.

Nag ugod ang ilang binayloay sa mensahe sa Messenger niadtong Dominggo, Enero 19, atol sa Sinulog.

Giingong nangayo kinig hubo nga hulagway hangtod nga napasugot si Analyn , iya kining gipadalhan.

Taas na ang ilang mensahe hangtod sa pagka Lunes, Enero 21, nangayo na usab kinig laing hubo nga hulagway ni Analyn.

Nihangyo si Antonio nga makig video call nga hubo ang kalawasan ug dinhi na siya mibalibad.

Apan kalit lang nga nag binisaya ang nagpailang langyaw hinungdan nga siya nagduda na nga binuang ang gihimo sa lalake.

Wa na mobawos pa sa mensahe si Analyn, apan gibaharan na siya nga kon di sila maghilawas, iyang i-post sa usa ka website ang iyang hulagway nga way sapot ug dinhi na nabalaka ang dalaga.

Midangop na siya sa kapulisan aron matabangan unsaon niya ang lalake nga nanghulga kaniya.

Human nakadangop si Analyn sa buhatan sa RACU 7, ang kapulisan na ang naghawid sa Facebook account niini nga mao na usab ang nakig-chat kang Antonio.

Nihangyo si Antonio nga manulod sila og usa ka lodging house aron makighilawas, nga gisanong usab dayon sa kapulisan alang sa entrapment operation.

Sa dihang padung na mosulod ang duha sa lawak, dali nga gidakop sa mga pulis si Antonio ug nakuha nila ang tulo ka mga condom nga maoy gamiton sa pakighilawas sa dalaga.

“Nang pumayag ang bata na ang tropa na natin ang makipag communicate na at naka establish na natin ang personal knowledge of those facts, so kinasa na natin ang entrapment operations,” matod ni Castillo.

Hugot nga gihimakak ni Antonio ang pasangil sa dalaga batok kaniya. (BBT, AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph