SUPERBALITA CEBU

Libreng uniform sa mga tinun-an gipakita ni Labella

UNIPORME: Si Cebu City Mayor Edgardo Labella (tunga) mipakita ngadto sa bisita niyang mga negusyante sa libreng school uniforms nga ipang-apod-apod ngadto sa mga tinun-an sa pampublikong elementarrya sa Dakbayan sa Sugbo. (Philip A. Cerojano)

GIPAKITA ug gihangop sa publiko ang desinyo sa libreng uniporme sa 190,000 ka mga public elementary school students gikan sa 80 ka mga barangay sa Dakbayan sa Sugbo nga gamiton sugod Hunyo ning tuig 2020.

Si Mayor Edgardo Labella nagkanayon nga posible pang adunay idugang para monindot pa tan-awon ang proposed design nga gilangkuban sa puti nga polo ug blouse (adunay necktie) nga naay logo sa wala nga bahin sa dughan ug ribite nga color yellow ug green sa bukton nga giparisan og green nga shorts ug sayal.

“This is just the suggested uniform for our 190,000 school children in the elementary as promised by us during the campaign with free bags, shoes, school supplies and a feeding program,” padayag ni Labella.

Ang proposed design sa free uniform unang gi-post sa Superbalita Facebook page.

Sulod lang sa tulo ka oras, ang post niani og 6,600 reactions, 1,500 shares ug kapin 600 ka mga comment nga nagdayeg kang Labella ug sa City Government.

Ang mayor nagkanayon nga igo lang siya nagtuman sa iyang saad sa niaging kampanya dihang siya gustong magpapili sa posisyon ug para ang tanang mga bata maka-eskwela.

Wala nay rason ang mga ginikanan nganong di makapatungha sa ilang mga anak.

“So that there will be no reason for parents not to send their school children to school because this came to my attention when I was campaigning in the last election going around the city,” dugang sa mayor.

Si Labella mohimo unya og Task Force Education para maoy mosusi sa kabalayan sa tibuok dakbayan sa Sugbo para pagsiguro nga wa nay mga bata nga mahabilin sa mga balay panahon sa ting-eskwela sanglit iyang nakita panahon sa kampanya nga adunay mga bata nga naa ra nagpuyo sa balay sanglit ang ginikahan way ikapalit og uniporme ug school supplies.

Ang City Government nigahin og P500 milyones para sa maong proyekto.

Gawas niini, ang mga tinun-an aduna say libreng feeding program para usab ang mga bata di magutman.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph