SUPERBALITA CEBU

2 patay sa bangga sa prime mover, motorsiklo

DRAYBER sa motorsiklo ug iyang angkas nangamatay human ilang gikabangga ang usa ka prime mover sa may M.C. Briones Street, corner A.S. Fortuna, Barangay Guizo, Dakbayan sa Mandaue Martes sa alas 8:10 sa gabii, Enero 21, 2020.

Giila sa Traffic Group ang mga biktima nga sila si Gerry Boy Algones Chavez, taga Alambijud Argao, Cebu, ug Jessa Paden Biola, 26, single, taga Barangay Laray, Talisay City.

Ang drayber sa prime mover giilang si Edgar Lavador Oncenes, 50, taga Masaba, Danao City.

Ang prime mover iya sa LNK Trucking and Repair Services nga nagbase sa lungsod sa Liloan.

Sa imbestigasyon sa Traffic Group sa Mandaue City Police Office, ang prime mover nagsubay sa M.C. Briones nga nag-ukopar sa first lane oadung sa Maguikay flyover.

Samtang ang motorsiklo nagsubay sa samang dan ug niliko pawala padung sa A.S. Fortuna dihang nagbangga ang duha ka mga sakyanan.

Sila si Chavez ug Viola nangalagpot sa karsada tungod sa kakusog sa impact.

Daling gikarga sa mga ambulansya sa managlahing mga tambalanan sila si Chavez ug Biola.

Sa dugang imbestigasyon sa kapulisan, nasayran nga ang duha gipangdeklarar sa mga doktor nga dead on arrival.

Ang drayber gitanggong aron pasakaan og kasong reckless imprudence resulting to multiple homicide ug damage to property.

Apan mag-agad kini sa mga kabanay sa mga biktima kon di sila mag-amicable settlement. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph