NAGMINGHOY nga nagpa-blotter sa San Pedro Police Station ang usa ka bayot dihang gihimulbolan sa lalaki nga iyang gika-sex sud sa motel sa dalang Claro M. Recto, Davao City alas 2 sa kaadlawon niadtong Lunes, Enero 20.
Usa ka alyas Mark, 25 anyos, ang nagpa-blotter sa kapulisan kinsa nagtug-an nga dihang iyang nahimamat ang usa ka lalaki nga 19 anyos, nanulod sila sa motel.
Saysay sa binabaye nga gipaligo siya sa lalaki una sila nag-sex sa ikaduhang higayon, apan dihang pagkahuman niya og kaligo, wala na ang lalaki.
Sa iyang paghiling sa iyang mga gamit, wala na ang iyang cellphone nga mokantidad og P20 mil ug ang iyang pambayad sa lalaki nga P500.
Igo na lang sa pagpatala ang binabaye kinsa na-leksiyon sa iyang nadangatan uban sa iyang nakaila nga lalaki.
Ang hitabo anaa na sa General Investigation Section sa San Pedro police station.