GIRONDA sa National Bureau of Investigation (NBI) ug Bureau of Internal Revenue (BIR) ang duha ka mga warehouse niadtong Enero 21, 2020 nga nahimutang sa Barangay Cugman ug Barangay Bayabas sa siyudad sa Cagayan de Oro.
Nakumpiska sa maong hingtungdang ahensiya ang nagkadaiyang klase sa mga sigarilyo sama sa YS Filter, Red, Jackpot (white and green), Bravo (Red), Marvels (Menthol), Marvels (Red) ug Two Moon diin dunay peke nga BIR stamps nga anaa sa kantidad ng P882 milyones.
Naakuha kini sa duha ka mga warehouse nga gipanag-iyahan sa Gaisano diha sa Cugman ug laing warehouse sa nahisgutang dapit.
Gibutyag ni Atty. Jonaidah Darimbang, sa legal division, nga sa Gaisano lamang kini nga warehouse apan wala pa usab sila'y kasayoran kung kinsa ang nagrenta.
"It's a Gaisano warehouse located in Cugman but defenitely not the Gaisano itself only the warehouse," matud ni Darimbang.
Gibutyag pa niini nga ang mga nakumpiskang mga sigarilyo nakalapas sa National Internal Revenue Code sama sa Section 236/258 - Unlawful pursuit of business, Section 130/255 - Failure to file excise tax returns, Section 263 - Unlawful possession or removal of articles subject to excise tax without payment of tax, ug Section 265 - Unlawful possession of spurious internal revenue stamps.
Gidugang pa niini nga dili pa usab nila masuta kung gigama kini dinhi lamang sa lokal o imported.
Gibutyag usab ni Darimbang nga ang BIR mopasaka og kaso batok sa mga responsable.
"We will going to file definitely the BIR is going to file criminal cases against them using the said provisions," matud ni Darimbang.
Giingong panggubaon ang maong mga nakumpiskang mga sigarilyo.
"Samples would be get and then use for court evidences and others would be destructed, we will conduct mass destruction," dugang pa.
Anaa sa 3,000 master cases ang nakumpiska sa Bulua Diversion nga dunay excise tax deficiency nga nagkantidad og P562,500,625, samtang 1,707 master cases ang nakumpiska usab sa Gaisano Warehouse sa Cugman nga dunay excise tax deficiency nga P320,063,750 diin suma total niabot sa P882,564,375.
Gidugang pa niini nga dunay angayang manubag niini ilabi na nga dakong kantidad ang nawala sa gobyerno tungod na usab sa mga pekeng BIR stamps.
Sutaon pa usab kung ang maong mga sigarilyo mismo usab peke ug ang gahimo lang niini ang makakumpirma.