GIHULAGWAY ni mayoral candidate Alvin Garcia ang iyang kaatbang nga si Bise-Mayor Michael Rama nga na-amnesia kun nakalimot nga siyay hinungdan sa grabing panagbangi nilang Gob. Gwen Garcia ug Mayor Tomas Osmeña.
Reaksyon kini ni Garcia sa pamahayag ni Rama nga andam siyang makig-alayon kang Gob.Garcia kon siya modaog pagkamayor sa dakbayan.
Matod ni Garcia nga wa gyud mawala ang kinaiya ni Rama nga giingong niluhod ug nagpaawot kang Mayor Tomas Osmeña.
“Na-amnesia siya? Siya ra may nakalimot sa iyang pasangil nga dawat-limpyo,”dugang sa kanhi mayor nga kaatbang ni Rama sa pagkamayor sa Mayo 2010 elections.
Iyang gibasol si Rama nga maoy hinungdan nga wa madayon ang panagsabotsabot sa City Hall ug Kapitolyo alag sa mga beneficiary sa 93-1 sa Barangay Luz hinungdan nga napagan ang katukoran sa Ciudad project ug daghang mga kiha sa South Road Properties (SRP).
“Nagtuo tingale si Mike (Rama) nga madala lang si Gov. Garcia og pikpik. Di man gani makamao si Rama mosulbad sa simpleng problema sa Miss Cebu sa miaging tuig,aAng paghilot na hinuon sa relasyon sa syudad ug probinsya,?” dugang ni Garcia.
Nagtuo usab si Garcia nga ang pamahayag ni Rama makaapekto og dako sa Bando Osmena Pundok Kauswagan (BOPK) ug makapadayon sa kasamok ug mga pagduda.
“Wa gyud diay masulbad ang ilang bangi sa mga pikpik, atik, pagkantakanta, ug sa iyang pagpa-awt kang Tomas,” panapos ni Garcia.
Mao sab kini ang pagduda ni negusyante Jonathan Guardo.
Si Guardo, sa usa ka press statament, niingon nga ang pamahayag ni Rama usa ka timailhan sa kasungian tali sa duha ka mga lider sa BOPK.
“Finally, Vice-Mayor Mike Rama is starting to come out of his shell. His statement in the media shows he is turning his back on Mayor Osmeña,” matod ni Guardo.
Siya niingon nga ang relasyon tali sa duha nagkabugnaw hinungdan nga ang mga kandidato Kugi Uswag Sugbo (Kusug) nakasud base sa mga survey.
“The fact that he is ready to cooperate with Gov. Garcia, Osmeña’s arch enemy, shows that there is a crack within BOPK leadership. The relationship between Rama and Osmeña has reportedly been getting cold as the local campaign period is starting to heat up,”dugan ni Guardo.
Hinuon, si Rama nipasabot nga di angay nga mabalaka ang mayor kay ang nasuwat sa usa ka mantalaan di maoy gusto niyang ipasabot.
Apan wa mabugnaw niini si Osmeña.
Matod niya nga ang pamahayag ni Rama nakadaot sa kandidatura ni kanhi konsehal Hilario Davide III.
“I’m getting chills down my spine... I’m very apprehensive because the way I read it, ‘for the good of Cebu,’ he will abandon the urban poor. Has the urban poor become expendable under the motherhood statement for the good of Cebu? These people have nowhere to go,” nagkanayon ang mayor.
Iya sab nga gipahinumdoman si Rama kon kinsa ang nagsugod sa kasungian tali sa Siyudad ug lalawigan.
“How short is his memory? Has he forgotten already that he started it? I had no conflict with the governor until he opened his mouth. The governor has an anti-poor attitude, is the vice mayor also displaying the same kind of values?” siya nangutana. (Dugang taho ni REV/Sun.Star Cebu/JFT)