SUPERBALITA CEBU

Duha ka principals sa Mactan National High School

GIPASABOT ni Dr. Wilfreda Bongalos, ang Schools Division Superintendent sa Department of Education (DepEd) sa Lapu-Lapu City Division nga walay basehanan ang pagkuwestyon sa pipila ka mga ginikanan kalabot sa duha ka principals ang nagdumala sa Mactan National High School.

Ang duha ka principals nga anaa karon sa naasoyng tunghaan managlahi og function o gimbuhaton.

Matod ni Bongalos ang principal kaniadto sa naasoyng tunghaan nga si Garvin Velos mao nay ilang gihimong principal sa Senior High School sa naasoyng tunghaan.

Samtang, si Basilio Aying maoy ilang gihimong principal sa Junior High School.

Gituyo kini gumikan kay managlahi ang curriculum sa Senior ug Junior High School nga gitanyag sa tunghaan.

Kinahanglan usab sila ug managlahi ang modumala sa Senior ug Junior High School gumikan sa kadaghang mga tinun-an sa pampublikong tunghaan sama sa Mactan.

Gipasabot usab ni Bongalos nga managlahi usab gayud ang bundy clock sa Senior ug Junior High School sanglit lahi-lahi man ang nagdumala nga prinicipal niini.

Mao usab kini ang tubag ni Bongalos sa pipila ka mga mikwestyon nganong duha ang bundy clock alang sa mga magtutudlo sa tunghaan.

Dugang ni Bongalos, kini ang gisunod nga pamaagi sa ubang tunghaan sa dakbayan nga nagtanyag ug Senior ug Junior High School sama sa Marigondon ug Babag.

“Of course ang bundy clock sa Junior adto gyud sa Junior kay mao may ga-manage para makakita pud kay mao guy ga-manage, senior adto pud sa senior,” matod ni Bongalos.

Nasayran nga pipila ka mga ginikanan ang mikwestyon sa presensya sa duha ka principal sa naasoyng tunghaan sanglit alang kanila usa kini ka pagdoblee lang sa trabaho.

Gawhag ni Bongalos ang adunay reklamo sa pagbisita sa ilang buhatan aron ilang mapasabot inay nga modiritso ug reklamo sa media.

Sa pangutana kung posible ba nga ganahan lang pailisan sa mga mikwestyong ginikanan ang duha ka mga principal nga nagdumala sa tunghaan pagpasabot ni Bongalos lisod kini nga mahitabo hilabi na nga tungatunga na ang school year.

“Wa mi mo-feel nga angayang ibalhin kay ang other schools pud naa naman puy principal nga na fill-up so akoy pangutan-on at the middle of the school year dili pud angay ibalhin ang usa ka principal kay daghanng implications..." dugang ni Bongalos. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph