SUPERBALITA CEBU

Halapad nga brownout sa isla sa Mactan

MASINATI karong Dominggo, Enero 26, ang halapad nga brownout sa dakbayan sa Lapu-Lapu.

Kini ang gipahibawo sa Mactan Electric Company (Meco) gumikan kay aduna silay ipahigayong load transfer sa ilang mga feeder, load balancing, ang tapping ug energization sa ilang bag-ong sub transmission line sa ilamg mga feeder.

Aduna usab silay pulihan nga mga gabok nga poste nga nahimutang sa ubang bahin sa dakbayan.

Pagpasabot sa Meco nga kinahanglan ang naasoyng pagtrabaho aron kalikayan ang mas grabe unyang kadaot o panghitabo.

Moabot sa 8 ka mga feeder ang maapektohan sa ilang pagtrabaho nianang adlawa hinungdan nga ubay-ubay gayud nga mga dapit sa dakbayan ang makasinati ug walay kurenti sud sa 10 ka oras.

Magsugod ang brownout sa alas 6 sa buntag hangtod sa alas 4 sa hapon.

Gawas mga kabalayan apektado usab sa pagpawong sa kurenti ang mga establisimento, subdivisions, resort ug hotel sa dakbayan nga mahimutang sa mga barangay nga maapektohan sa pagpawong sa ilang mga feeder.

Giawhag ang tanan sa pagbisita sa facebook page sa MECO alang sa mas kompletong mga dapit nga maapektohan sa halapad nga brownout.

Nasayran ang mga barangay nga apektado sa pagpawong sa kuryente mao ang Barangay Babag I ug II, Barangay Ibabao sa lungsod sa Cordova uban sa mga Barangay Kalawisan, Basak, Gun-ob, Pajo, Poblacion, Buaya, Mactan, Bankal, Pajac, Marigondon, Subabasbas, Agus, lungsod sa Cordova mismo, Looc ug Pusok. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph