DAKONG kalihokan ang masaksihan sa mga Kagay-anon ug sa mga bisita sa dakbayan sa Cagayan de Oro labi na karong Enero 25 ug 26, labi na ang 2nd Spring Festival Dragon Boat Race sa Cagayan de Oro river.
Ang dragon boat race dunay 200-meter race ug 500-meter race nga dunay tulo ka kategorya alang sa 200-meter race ug duha sa 500-meter race.
Dunay mga anaa sa 22 ka teams ang gilaoman nga mosalmot niini gikan sa Visayas ug Mindanao nga anaa sa mga 350 ka mga indibidwal.
Mapasalamaton kaayo si John Asuncion, presidente sa Dragon Boat Kagay-an (DBK) ug race organizer, tungod na usab sa suporta sa mga nagkadaiyang ahensiya labi na sa lokal nga kagamhanan sa siyudad ug sa mga nitabang niini nga kalihokan.
Naghangyo usab kini nga masuportahan pinaagi na usab nga mapaabot sa ubang ahensiya tungod kay adbokasiya niini mao ang pagtabang sa mga
nagkinahanglan tungod kay kini nga sports walay gipili nga edad, gidak-on ug bisan gani mga persons with disability.
"We might be able to align with their corporate social responsibilities. We have a lot of passion not just for this sport but also advocacy to help people," matud ni Asuncion.
"We hope to give you another good race this weekend with the help of Stanley and ma'am Pinky from Bugsay Pilipinas," dugang niya.
Gi-aghat usab niini ang tanan nga mosulay sa ug suportahan kini nga sports.
"I would like to invite you to try Dragon boat," matud ni Asuncion.
Giingong paniguraduhon niini nga malingaw sa experience nga mahatag niini nga sport.
Sa mga buot moapil usab o mosulay niini nga sports, pwedi nga magpadala og mensahe sa ilang Facebook page nga Dragonboat Kagay-an.
Sa kasamtangan, dunay walo ka mga team sa corporate category sama sa Aisat (Asian International School Aeronautics and Technology)-Hiraya Minokawa Dabaw, Chinese Community of Cagayan de Oro, River Star Aggregate, Oroport Cargo Handling Services Inc., Cagayan de Oro Volunteer Fire Brigade, Cocorica-Pizzarella Lancers, San Miguel Beer Dragons, ug Sutherland-Dragon Warriors Davao.
Upat usab ang posibleng magtigi sa Government Service Category sama sa Cantilan Red Dragons-LGU; Fire Breathers (PNP, BFP, AFP, PNA); Rainbow Dragons gikan sa buhatan ni Kongresman Rolando Klarex Uy; ug Haguroz Dragon Boat Team (Tagbilaran Bohol LGU).
Usa ka team usab ang ipaapil sa St. Mary's School nga mao ang St. Mary's School Pioneers alang sa maong dragon boat race nga gilangkoban sa grade 12 ug grade 11.
Nasayran nga ang maong tunghaan ang naglakip na sa dragon boat sa ilang curriculum ug plano usab nga magmugna og varsity team.
"Last school year, grade 12 lang kay mao man ang naa sa curriculum but we are planning to have a varsity team dili lang kay sa PE class," matud ni Ian Zapanta, sports coordinator ug school principal.
Samtang mapasalamaton usab ang Department of Tourism (DOT)-Northern Mindanao labi na ni Marie Elaine Salvaña-Unchuan tungod kay dako kini nga oportunidad sa sport tourism sa dakbayan ug sa Northern Mindanao.
"We're very very excited because this is not only a big opportunity for sports tourism. It's a venue also for team building, for advocacy and of course, it's also going to be a means to promote the sustainable tourism of the Cagayan de Oro river," matud ni Unchuan.
Gibutyag usab ni Dorothy Pabayo, tsirman sa City Tourism, nga malipayon ug mapasigarbuhon kini niining maong kalihokan nga nahitabo sa Cagayan de Oro river.
"Cagayan de Oro City is really very proud of this Dragon Boat racing that happening in our river," matud ni Pabayo.
Bugsay Pilipinas ug Stanley Dragon Boat
Nasayran nga nagpahigayon usab og Basic Dragon Boat Race Official Training Course sugod niadtong Enero 22-26 pinaagi ni Edwin Hou, vice chairman sa Stanley Dragon Boat Association Hong Kong.
Ang maong training course molungtad sa 10 ka oras sa classroom session ug 12 ka oras sa hands-on officiating panahon sa race, written ug oral examinations, post-race evaluation, assessment and recommendations, ug certificate alang sa mga successful trainees.
Ang Stanley Dragon Boat Association Hong Kong nga dunay main event nga Sun Life-Stanley International Dragon Boat Championship diin anaa sa 250 teams ang nisalmot niadtong tuig 2019.
Kini mao ang nagpasiugda sa mga dagkong dragon boat races sa China tungod na usab sa ilang kapasidad ug reputasiyon.
Gibutyag ni Hou nga ganahan kini niini nga sport tungod na usab sa daghang mga rason.
"Simply just we love this sport, that's why we're coming here. It's a great honor for me to spread this not just in Hong Kong but in all other parts of the world," dugang pa.
Gidayeg usab niini si Asuncion tungod kay kung dili sa iyang paningkamot walay dragon boat sa dakbayan.
Samtang gibutyag usab ni Priscilla Pinky Castillo nga daghan ang natabangan niini nga sports ug wala kini gipili gani lakip ang mga blind team.
"This is open to everybody doesn't mean that we don't have the sight that you can't do the sport," matud ni Castillo.
Tungod niini nga adbokasiya ug alang sa tanan, daghan ang natabangan niini ug walay most valuable player (MVP) niini apan kini alang sa usa ka team.
"This is the beauty of Dragon boat that's why we're so passionate about this," dugang pa.
"Everybody is equal in the boat," dugang niini.
Lakip usab ang mosaksi mao si Maria Villa, nga gikan pa sa Europe ug kasamtangang anaa na sa Hong Kong, chairwoman sa Spanish Dragon Hong Kong.
Alang niini, naghatag usab og dakong importansiya kaniya ang dragon boat sport.
"Dragon boat is a very important part of my life," pahayag niini.