GIRONDA sa awtoridad ang panimalay sa usa ka negosyante diin nakuha ang peke nga mga kwarta og armas atol sa search warrant operation niadtong Enero 23 sa kaadlawon sa Barangay Tablon, siyudad sa Cagayan de Oro.
Sikop si Robert Dela Cerna, alyas Tata/Egay, kinsa giingong dunay negosyo og nalambigit sa ilegal nga kalihokan labi na sa pag-imprenta og mga pekeng kwarta, identification card (ID) ug mga dokumento.
Gibutyag ni Police Lieutenant Noel Oclarit, assistant provincial officer sa Criminal Investigation and Detection Group (CIDG) Misamis Oriental, nga nakuha gikan sa suspek ang dakong kantidad sa peke nga kwarta.
"P129 pieces counterfeit Philippine money, currency P129,000, usa ka. 38 cal with 4 live ammumition," matud ni Oclarit.
Gidugang pa niini nga wala'y napresenta nga mga dokumento ang suspek sa pagmatuod nga gitugotan kini nga maghupot og armas.
"Wala gipresent nga mga dokumento nga kini siya license nga naggunit og fire arms," dugang pa.
Gikumpiska sa tinugyanan sa CIDG ang usa ka CPU, LCD monitor, colored printer with scanner, Epson printer, wala ka unit sa sa nagkadaiyang kolor, computer set with peso net, cutter, ug uban pa.
Gipamugos sa pamilya sa suspek nga walay kamatuoran ang alegasiyon.