SUPERBALITA DAVAO

P3.4M kantidad sa shabu sakmit

Hulagway kuha ni Edgar Fuerzas

COTABATO CITY -- Sikpaw sa mga awtoridad ang notoryus nga drug pusher nga magtiayon alas 4:35 sa hapon niadtong Miyerkules, Enero 22, sa siyudad.

Giila ang mga suspek nga sila Juharie Adam Talib, alyas Alex, platoon leader sa 3rd Platoon Charlie Company sa 105th Base Command sa Moro Islamic Liberation Front (MILF), ug iyang asawa nga si Rakma Kalibu Talib, alyas Bai, nga mga molupyo sa Parang, Maguindanao Province.

Sumala kang Cotabato City Police Office Director Colonel Portia Manalad nga nagpahigayon og buy-bust operation ang mga sakop sa Philippine Drug Enforcement Agency (PDEA)-Bangsamoro Autonomous Region in Muslim Mindanao (Barmm), uban ang Criminal Investigation and Detection Group (CIDG)-Barmm ug mga pulis didto sa City Plaza Macacua Street, Barangay Poblacion 5.

Sa diha nga akto na nga itunol sa magtiayon ang gidiling druga sa tiktik (asset) sa PDEA-Barmm, didto na sila gipangdakop sa mga awtoridad.

Nakuha gikan sa posisyon sa mga suspek sa dala nilang bag mao ang tunga sa kilo nga shabu nga nagkantidad og P3.4 milyon base sa drug market value, marked money, mga drug paraphernalia, duha ka cellphone ug mga personal nga gamit.

Ang pagdakop sa mga suspek gisaksihan mismo ni Cotabato City Mayor Frances Cynthia Guiani Sayadi.

Gipamahayag ni PDEA-Barmm Director Juvenal Azurin nga dugay na nila nga gipanid-an ang magtiayon nga nalambigit sa illegal drug trade sa dakbayan, lakip na sa Maguindanao, North Cotabato ug Lanao del Sur.

Mga suspek gibalhog na sa costudial facility sa PDEA-Barmm ug gitakda nga pasakaan og kaso nga kalapasan sa Republic Act 9165 o Comprehensive Dangerous Drug Act of 2002. (Edgar E. Fuerzas


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph